Իրանի ԱԳՆ մեկնաբանությունը Կանադայի որոշման առնչությամբ

Իրանի ԱԳՆ-ը, ի պատասխան Կանադայի որոշմանը` կասեցնել հարաբերություններն իսլամական հանրապետության հետ, հայտարարել է, որ Օտտավան որդեգրել է ծայրահեղական հայացքներ արտաքին քաղաքականության մեջ. հայտնում է РИА Новости-ն՝ հղում անելով իրանական IRNA գործակալությանը: 

Նախօրեին Կանադայի ԱԳՆ Ջոն Բերդը հայտնեց, որ դեսպանությունը Թեհրանում կփակվի, իսկ դիվանագետներն արդեն լքել են Իրանը: Բացի այդ՝ իրանցի դիվանագետները, հյուսիսամերիկյան երկրի իշխանությունների հայտարարության համաձայն, նույնպես պետք է լքեն Կանադան 5 օրվա ընթացքում:

«Կանադայի ռասիսիտական կառավարության թշնամական վերաբերմունքը թելադրված է սիոնիստական վարչակարգի(Իսրայել) և Մեծ Բրիտանիայի քաղաքականությամբ»շ Իրանի ԱԳՆ-ի պաշտոնական ներկայացուցիչ Ռամին Մեհմանպարաստին է մեջբերում IRNA-ն, ում խոսքերով Թեհրանում դեսպանության փակման որոշումը դարձավ Կանադայի վարչապետ Սթիվեն Հարփերի հակաիրանական քաղաքականության շարունակությունը: Իր հայտարարության մեջ Բերդը մեղադրեց Իրանին Սիրիային զենք-զինամթերք մատակարարելու, ինչպես նաև միջուկային ծրագրի ստեղծման մեջ, ինչը վտանգ է ներկայացնում միջազգային հանրության համար: