Բրիտանիայի առողջապահության նախարարությունը հայտարարել է կորոնավիրուսի նոր՝ ավելի արագ տարածվող տարբերակի մասին
Գիտություն և Մշակույթ
Բրիտանացի մասնագետները հայտնաբերել են կորոնավիրուսի նոր տարբերակ, որն ավելի արագ է տարածվում, քան արդեն հայտնի տեսակները, ասել է Համայնքների պալատում թագավորության Առողջապահության նախարարության ղեկավար Մեթ Հենկոկը:
Նոր տարբերակը «կարող է կապված լինել Անգլիայի հարավ-արևելքում արագ տարածվող տեսակի հետ», - հավելել է պաշտոնյան: Ըստ Հենքոկի՝ Անգլիայի հարավի 60 տարբեր շրջաններում արդեն եղել է նոր տեսակի վիրուսով վարակված շուրջ հազար հիվանդ, և թիվն արագորեն աճում է: Միևնույն ժամանակ, նախարարը նշել է, որ գիտնականները հիմքեր չունեն հավատալու, որ վիրուսի նոր մուտացիան կարող է հանգեցնել հիվանդության ծանր ընթացքի, և նաև հիմք չկա ենթադրելու, որ նոր տեսակի վիրուսը չի պատասխանի արդեն արտադրված պատվաստանյութին COVID-19- ի դեմ:
«ԱՀԿ-ն տեղեկացվել է նոր տեսակի վիրուսի մասին։ Վերջին ամիսներին եվրոպական այլ երկրներում կորոնավիրուսի նման տարբերակներ են հայտնաբերվել», - եզրափակել է նախարարը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
