Ուսանողական ցուցահանդես-մրցույթ

Դեկտեմբերի 3-ից 7-ը Հայաստանի հանրապետական կուսակցության երիտասարդական կազմակերպության և Երևանի գեղարվեստի պետական ակադեմիայի ուսանողական խորհրդի կողմից Նկարիչների միությունում կազմակերպված ուսանողական ցուցահանդես-մրցույթի արդյունքները հրապարակվեցին դեկտեմբերի 7-ին։

«Լավագույն նկար» անվանակարգում հաղթող ընտրվեց ԵԳՊԱ-ի Գեղանկարի բաժնի 4-րդ կուրսի ուսանող Հարությունով Արթուրը, «Լավագույն քանդակ» անվանակարգում գլխավոր մրցանակ ստացավ ԵԳՊԱ-ի Քանդակագործության բաժնի 3-րդ կուրսի ուսանող Աբրահամյան Գեղամը, իսկ «Լավագույն հագուստ» անվանակարգում առաջին տեղը զբաղեցրեց ԵԳՊԱ-ի Հագուստի մոդելավորման բաժնի 3-րդ կուրսի ուսանող Հակոբյան Ռոմանը: Ընդհանուր մրցանակային ֆոնդը կազմել էր 500,000 դրամ:

Մրցանակակիրներին մրցանակներ հանձնեց ՀՀԿ երիտասարդական կազմակերպության ղեկավար, ԱԺ պատգամավոր Կարեն Ավագյանը։

Մրցույթ-ցուցահանդեսին մասնակցում էին գեղարվեստի պետական ակադեմիայի լավագույն ուսանողները, որոնք մասնակցել էին բազմաբնույթ ցուցադրությունների, միջազգային մրցույթների, ունեցել էին անհատական ցուցահանդեսներ։