Գրիգոր Արշակյանը նշանակվել է Հայաստանի ազգային արխիվի տնօրեն

ՀՀ արդարադատության նախարար Ռուստամ Բադասյանի հրամանով Գրիգոր Արշակյանը նշանակվել է «Հայաստանի ազգային արխիվ» պետական ոչ առևտրային կազմակերպության տնօրեն։

«Ղեկավարվելով «Պետական ոչ առևտրային կազմակերպությունների մասին» օրենքի 15-րդ հոդվածով և հիմք ընդունելով Հայաստանի Հանրապետության կառավարության 2005 թվականի հունվարի 25-ի N 224-Ն որոշմամբ հաստատված N 1 հավելվածի 14-րդ կետը, ինչպես նաև «Հայաստանի ազգային արխիվ» պետական ոչ առևտրային կազմակերպության տնօրենի թափուր պաշտոնը զբաղեցնելու համար մրցույթ անցկացնող մրցութային հանձնաժողովի 2020 թվականի դեկտեմբերի 15-ի N 5 որոշման եզրակացությունը և Գ. Արշակյանի դիմումը՝ հրամայում եմ Գրիգոր Միխայելի Արշակյանին 2020 թվականի դեկտեմբերի 18-ից նշանակել «Հայաստանի ազգային արխիվ» պետական ոչ առևտրային կազմակերպության տնօրեն և Հայաստանի Հանրապետության օրենսդրությամբ սահմանված կարգով կնքել աշխատանքային պայմանագիր», - նշված է նախարարի հրամանում: