Աուտիզմով տառապող տղայի մասին ֆիլմը շահել է «Արծաթե մկնիկը»

Ռեժիսոր Լյուբով Արկուսի «Антон тут рядом» ֆիլմն արժանացել է իտալացի ինտերնետ–քննադատների Mouse d'argento (Արծաթե մկնիկ) պարգևին՝ Վենետիկում տեղի ունեցած 69-րդ միջազգային կինոփառատոնի ժամանակ։ 

Այս ֆիլմը պատմում է աուտիզմով տառապող 4-ամյա Անտոն Խարիտոնովի կյանքի պատմությունը, ում հետ «Սեանս» ամսագրի գլխավոր խմբագիր և կինոքննադատ Արկուսը ծանոթացել է 2008-ին։ Ֆիլմի նկարահանման ընթացքում ռեժիսորը հասկացել է, որ երեխան դարձել է իր ամենահարազատ մարդկանցից մեկը։

Նշենք նաև, որ «Антон тут рядом» ֆիլմի ցուցադրությունը, որը չի եղել մրցութային, ավարտվել է երկարատև ծափողջույնների ներքո։

Իսկ ահա «Ոսկե մկնիկ» պարգևը հանձնվել է Կիմ Կի Դուկին (Kim Ki Duk)՝ «Պիետա» (Pieta) ֆիլմի համար։