Պատրիկ Ֆիորիի ելույթը Նյու Յորքում

Աշխարհռչակ ֆրանսիահայ երգիչ Պատրիկ Ֆիորին առաջին անգամ հանդես կգա Նյու Յորքում՝ «Armenia Fund USA»- ի 20 – ամյա հոբելյանին նվիրված գալա համերգին։ Համերգը կկայանա սեպտեմբերի 29-ին «Gotham Hall»-ում, այս մասին հաղորդում է «Oikotimes.com»-ը։

Հիշեցնենք, որ Պատրիկ Ֆիորի-Շուշանյանը ծնվել է Մարսելում։ Մայրն ազգությամբ կորսիկուհի է, հայրը՝ հայ։ Պատրիկ Ֆիորիին հայտնի է դարձել «Փարիզի Աստվածամոր տաճարը» ռոք – օպերայում իր կրքոտ կատարումներով։

Նշենք, որ միջոցառմանը մասնակցելու է նաեւ Հայաստանի ԱԳ նախարար Էդվարդ Նալբանդյանը: