Նոր գրոհ՝ իշխանությունը պահելու համար. ովքե՞ր են թիրախում

Նիկոլ Փաշինյանը չի հաշտվում այն իրողության հետ, որ դատարանները այլևս չեն բավարարում ընդդիմադիր գործիչների կալանավորման միջնորդությունները: Վերջին օրերին նման բազմաթիվ օրինակների ենք ականատես լինում, երբ դատարանները պարզապես հրաժարվում են բավարարել Սյունիքի համայնքապետերի կալանքի միջնորդությունները, իսկ վերջիններս Փաշինյանի համար լուրջ մրցակիցներ են, ովքեր կարող են խանգարել իր քաղաքական պլաններն ի կատար ածելուն: 

Այս խնդիրը լուծելու նպատակով արդարադատության նախարարությունը մշակել է աննախադեպ հակաօրինականությամբ աչքի ընկնող նախագիծ, որով փաստացի պատրաստվում է սպանել ողջ դատական համակարգը: Նախագծով ներդրվում է դատարանի կողմից խափանման միջոցներ կիրառելու, խուզարկության կատարման, օպերատիվ-հետախուզական միջոցառումներ իրականացնելու մասին միջնորդությունների քննության, ինչպես նաև կոռուպցիոն հանցագործությունների քննության ենթամասնագիտացում։ Սա իր հերթին նշանակում է, որ իշխանությունները, քաղաքական նպատակահարմարությունից ելնելով, ընտրելու են դատավորների, ովքեր, ի տարբերություն ներկայումս պաշտոնավարող մի շարք դատավորների, հրահանգով բավարարելու են կալանավորման և այլ միջնորդությունները՝ այդ կերպ կատարելով քաղաքական պատվեր։

Սրանով նաև փորձ Է արվում կտրուկ սահմանափակել դատավորի լիազորությունները՝ նրան հավասարեցնելով հետաքննիչի լիազորություններ ունեցող մի անձի։ Վերջինս, օրինակ, հարուցում է քրեական գործ, բայց չի կատարում նախաքննություն։ 

Փաշինյանը և Ռուստամ Բադասյանը ժամանակին հետ կանգնեցին այսպես կոչված` վեթինգի գործընթացից, որը իր էությամբ նույնպես ամբողջությամբ հակաօրինական էր, սակայն այսօր իշխանությունը պահելու համար պատրաստ են գնալ վա-բանկ և հարցականի տակ դնել արդար դատաքննության իրավունքը և դատական համակարգի կենսունակությունը ընդհանրապես…