Իրաքում շիաների դեմ ահաբեկչության զոհ է դարձել ավելի քան 100 մարդ
Մերձավոր Արևելք
Իրաքի շիա թաղամասեորում տեղի ունեցած պայթյունների հետևանքով զոհերի թիվը հասել է 100-ի, վիրավորվել է ավելի քան 200 մարդ. հաղորդում է Reuters-ը։ Ամենալուրջ հարձակումը տեղի է ունեցել Բաղդադից 300 կմ հեռավորության վրա գտնվող Ամար քաղաքում։ Ականավորված երկու մեքենա պայթեցվել է շիական սրբավայրի և շուկայի հարևանությամբ։ Պայթյունի հետևանքով զոհվել է առնվազն 16 մարդ։
Հիշեցնենք, որ կիրակի օրը Իրաքում տեղի ունեցել նմանատիպ ավելի քան 20 միջադեպ։ Մինչ այժմ պարզ չէ, թե ով է պատասխանատու պայթյունների համար, սակայն նշվում է, որ հարձակումների մեծ մասն ուղղված է Իրաքի շիական բնակչության դեմ։
Պայթյունները տեղի են ունեցել Քիրքուք, Բաաքուբ, Սամարա, տուզ Բասրե և Խուրմատու քաղաքներում, ինչպես նաև ռազմական հենակետերից մեկում։ Բացի այդ՝ վիրավորվել են North Oil Company-ի աշխատակիցները։
Նշենք նաև, որ կիրակի օրը իրաքյան դատարանը հեռակա կարգով այդ երկրի նախկին փոխնախագահ Տարիկ ալ-Հաշմիին մեղավոր է ճանաչել Իրաքի ժողովրդի դեմ բազմաթիվ հանցագործությունների մեջ և դատապարտել է մահվան։
Իրաքի իշխանությունների սուննի փոխնախագահին մեղադրում են «Մահվան գնդերի» ստեղծման համար, որոնք օգտագործվել էին շիաների և անվտանգության ուժերի դեմ:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
