Հալեպում պայթեցվել է 2 հիվանդանոց, զոհվել է 29 մարդ

Առնվազն 29 մարդ է զոհվել նախորդ գիշեր Սիրիայի Հալեպ քաղաքում մարզադաշտի մոտակայքում տեղի ունեցած կրկնակի պայթյունի հետևանքով. քանդվել է դպրոցը և երկու հիվանդանոց. հաղորդում է podrobnosti.ua-ն։

Պայթյունների համար պատասխանատվությունն իր վրա է վերցրել Սիրիայի ազատագրության բանակը, ըստ որի, այդ օբյեկտները օգտագործվում էին որպես զորանոց երկրի կառավարական բանակի համար։

Սիրիացի ակտիվիստները նաև հաղորդում են Հալեպի արևելքում տեղի ունեցած օդային հարվածների մասին, որոնց հետևանքով ավերվել է մեկ շենք, և հինգ զոհ է արձանագրվել։ Փլատակների տակ մնացած զոհերի մասին տեղեկություն չի հաղորդվում։