Բանակցություններ Արաբական պետությունների լիգայի ղեկավարի հետ

Սիրիայի հարցով միջազգային պատվիրակ Լահդար Բրահիմին Կահիրեում բանակցություններ է սկսել Արաբական պետությունների լիգայի ղեկավար Նաբիլ ալ Արաբիի հետ։ Գլխավոր թեման Սիրիայի կոնֆլիկտի կարգավորման ուղիներն են. գրում է Радио Свобода-ն։

Ավելի ուշ Բրահիմին կհանդիպի սիրիական ընդդիմության ներկայացուցիչների, ինչպես նաև՝ Եգիպտոսի նախագահ Մուհամեդ Մուրսիի հետ։

Ըստ պատվիրակի մամլո խոսնակի՝ Բրահիմին այցելելու է նաև Սիրիայի մայրաքաղաք Դամասկոս։

Սիրիայի խոշորագույն քաղաք Հալեպում կիրակի երեկոյան տեղի ունեցած պայթյունի հետևանքով զոհվել է 27 և վիրավորվել՝ 64 մարդ։

Հիշեցնենք, որ Հալեպում արդեն երկու ամսից ավել է, ինչ մարտեր են ընթանում կառավարական զորքերի և զինված ընդդիմության ուժերի միջև։