Կհեռարձակվի ՀՀ ԱԻՆ «911» խորագրով հաղորդաշար

Այսօր ՀՀ ԱԻ նախարարությունում տեղի է ունեցել հերթական ամենշաբաթյա խորհրդակցությունը, որը վարել է նախարար Արմեն Երիցյանը։ Այս մասին տեղեկանում ենք ԱԻն պաշտոնական կայքից:

ԱԻ նախարարին զեկուցեցին, որ համակարգի 1600 աշխատակիցների բժշկական քարտեր արդեն տեղափոխվել են ԱԻՆ համաբուժարան։ Ա. Երիցյանը հանձնարարեց առավել մեծ ուշադրություն դարձնել համակարգի վետերանների խնդիրներին և աշխատակիցների սոցիալական ապահովության հարցերին։

Շուտով ավարտին կմոտենա ԱԻՆ մշակույթի տան վերանորոգումը, որտեղ համակարգի աշխատակիցների երեխաներն ու թոռները կարող են հաճախել տարբեր ստեղծագործական խմբակներ։

Ընթացքի մեջ են Ճգնաժամային կառավարման պետական ակադեմիայի Լուսակերտի վարժահրապարակի բարեկարգման աշխատանքները, որտեղ ակադեմիայի ուսանողների համար կկազմակերպվեն տարբեր գործնական դասընթացներ։

ՍՊԱԾ գործակալության պետ Հ. Պետրոսյանը զեկուցեց, որ ստացվել է հորատանցքերում ջրի մակարդակի տատանումները չափող 15 ամերիկյան սարք, որոնք պատրաստ են շահագործման։

Խորհրդակցության ընթացքում ՀՀ ԱԻՆ և ԼՂՀ կառավարությանն առընթեր փրկարար ծառայությունների միջև համագործակցությունը խորացնելուն միտված ակտիվ գործունեության և ԱԻ համակարգի աշխատակցի օրվա կապակցությամբ ԼՂՀ վարչապետի հուշամեդալներով պարգևատրվեցին ՀՀ ԱԻՆ ՓԾ տնօրեն, գեներալ-մայոր Ս. Ազարյանը և «Տեխնիկական անվտանգության ազգային կենտրոն» ՊՈԱԿ-ի տնօրեն Ա. Պետրոսյանը։

ՀՀ ԱԻՆ հրդեհային և տեխնիկական անվտանգության տեսչության պետ Ա. Մկրտչյանն ԱԻ նախարար Ա. Երիցյանի կողմից պարգևատրվեց «Կանխարգելում, օգնություն, փրկություն» մեդալով։

ԱԻՆ աշխատակազմի տեղեկատվության և հասարակայնության հետ կապերի վարչության գլխավոր մասնագետ Գ. Բաղդասարյանը և օպերատոր Գ. Մկրտչյանը մասնագիտական բարձր պատրաստականության ու ծառայողական պարտականությունների կատարման ընթացքում ձեռք բերած հաջողությունների համար արժանացան ԱԻՆ պատվոգրերի։

Մոտ ապագայում եթեր կսկսի հեռարձակվել ՀՀ ԱԻՆ «911» խորագրով հաղորդաշարը, որը կօգնի բարձրացնել բնակչության իրազեկվածության ու պատրաստվածության աստիճանը։