Ո՞վ է առողջապահության նոր նախարարը և ինչո՞վ է նա հայտնի

Այսօր վարչապետի որոշմամբ Անահիտ Ավանեսյանը նշանակվել է ՀՀ առողջապահության նախարարի պաշտոնում , փոխարինելով Արսեն Թորոսյանին: Ինչո՞վ է հայտնի նորանշանակ նախարարը:

Անահիտ Ավանեսյանը ծնվել է 1981 թվականի մարտի 21-ին: 1997-2003 թվականներին սովորել է Երևանի պետական համալսարանում, ստացել քաղաքացիական իրավունքի մագիստրի կոչում: 

2001-2002 թվականներին Պետական ռեզերվների գործակալությանը իրավախորհրդատվություն է մատուցել: 2005-2015 թվականներին եղել է «Դեմոկրատիան այսօր» ՀԿ-ի իրավախորհրդատուն: 2014-2015 թվականներին «Արֆարմացիա» ՓԲԸ-ում եղել է ադմինիստրատիվ գծով տնօրեն, մինչև 2016 թվականը նշանակվել է կազմակերպության գլխավոր տնօրեն: 2017-2018 թվականներին եղել է «Աբովյան 39» ՍՊԸ տնօրենը, միաժամանկ՝ «Արֆարմացիա» ՓԲԸ խորհրդի անդամ:Մասնակցել է մի շարք հավաստագրված դասընթացների, մասնավորապես, 2017-ին՝  Հայաստանի Ամերիկյան Համալսարանում՝ «Ծրագրերի կառավարում» թեմայով, 2014-ին՝ «Ֆարմատեք» ՓԲԸ-ում՝ «Պատշաճ արտադրական պրակտիկայի (GMP) չափորոշիչների ներդրում և վերահսկում» թեմայով: 2010-ին Վարշավայում Եվրոպական դիվանագիտական դպրոցում մասնակցել է «Եվրոպական դիվանագիտություն» թեմայով դասընթացի:

«Դեմոկրատիան այսօր» ՀԿ-ն հայտնի է իր պրո-արևմտյան հայացքներով: «Արմֆարմացիա» ընկերությունը վերջին տարիներին կնքել է 240 պայմանագիր՝ 44 պետական կառույցի հետ, ընդհանուր՝ մոտ 606,7 մլն դրամ արժողությամբ, որի կեսից ավելին՝ 137 պայմանագիրը՝ արդեն Ավանեսյանի՝ փոխնախարար եղած ժամանակ։ «Արմֆարմացիա»-ն տարիներ շարունակ մենաշնորհային դիրք է ունեցել և մատակարարել է «Մեթադոն» հոգեմետ դեղը: 2008-2015թթ.ին ընկերության գլխավոր տնօրեն է եղել Անահիտ Ավանեսյանի ամուսինը՝ Ստեփան Ավանեսյանը, իսկ մինչ այդ՝ 2003-2008թթ. Անահիտ Ավանեսյանի մայրը՝ Մարգուշ Վարդանյանը: 2019թ․ հուլիսի 22-ին հիմնադրվել է և «Արֆարմացիա» ՓԲԸ-ին է պատկանում նույնանուն ՍՊԸ-ն և դեղատների ցանցը՝ «Արմֆարմացիա դեղատուն»-ը, որին են պատկանում Երևանում գործող 4 դեղատուն՝ Պուշկին, Ե․ Կողբացի, Ե․ Քոչար և Վերֆելի փողոցներում։ Այս ընկերության տնօրենն է Յուրա Ստեփանյանը: Այսինքն, առողջապահության փոխնախարար, իսկ այժմ արդեն նախարար Անահիտ Ավանեսյանի հետ առնչություն ունեցող դեղագործական ընկերությունը դեղորայք և բժշկական պարագաներ է վաճառում իր իսկ ենթակայության տակ գտնվող պետական կառույցներին և դրանում անձամբ Ավանիսյանը որևէ կոռուպցիոն ռիսկ չի տեսնում:

Այս թեմայով «Ժողովուրդ». Ի՞նչ նպատակով է Առողջապահության փոխնախարարը «շտապ գործուղվել» Նիդերլանդներ Քրեակատարողական առողջապահության բարեփոխումներ, ձեռքբերումներ ու մարտահրավերներ. ներկայացվել են ծրագրային ուղղությունները ՀՀ դեսպանն ու Հունաստանի առողջապահության նախարարը քննարկել են համատեղ ծրագրերի հնարավորությունը Վազգեն Սարգսյանի անվան ռազմական ակադեմիայի պատվիրակությունն այցելել է Ֆրանսիայի զինված ուժերի նախարարություն և Սեն-Սիրի ռազմական ակադեմիա Փաշինյանը կարևորել է առողջապահության ոլորտում այն ծրագրերը, որոնք ուղղված են քաղցկեղի բուժմանը