«168 Ժամ». ԲՀԿ–ն «փչաց փուչիկ՞», թե ԲՀԿ–ից մղկտում են
Հայկական Մամուլ
Քաղաքագետ Մանվել Սարգսյանն երեկվա ասուլիսում հայտարարել էր, թե ԲՀԿ-ն «փչած փուչիկ է». «Կար ժամանակ, երբ իշխանությունները փորձում էին ամեն կերպ ուռճացնել այդ կուսակցության ազդեցությունը՝ դրանով մի կողմ մղելով ընդդիմությանը: Հետո ընդդիմությունը սկսեց նույնն անել՝ այն կողմից սկսելով փչել փուչիկը, և, ի վերջո, եկանք մի վիճակի, երբ փուչիկն արդեն ինքն է ձգտում քայլեր անել...»,-ասել էր նա:
ԲՀԿ մամլո խոսնակ Տիգրան Ուրիխանյանը՝ մեկնաբանելով Մ. Սարգսյանի վերոնշյալ հայտարարությունը, «168 ժամ»-ի թղթակցի հետ զրույցում ասել է. «Եթե նրա կարողությունները թույլ չեն տալիս ըմբռնել այն ամենը, ինչ մենք ասել ենք, ինչն ապացուցում է իր մտքերի կամ հիմնավորված չլինելը, կամ արհեստածին լինելը՝ որևէ պատճառով շահագրգռություն նրա մոտ առաջացնելով, ուրեմն՝ ես դրան որևէ բան ավելացնելու չունեմ: ԲՀԿ-ն ունի իր ուրույն քաղաքական կուրսը, հստակ նպատակները, ընդ որում՝ արդեն շատ-շատերի համար հասկանալի և ուրվագծվող սեփական նկրտումներն ու պատկերացումներն այս երկրի ապագայի, զարգացման և բարեփոխումների վերաբերյալ: Եվ եթե ոմանք դրանից մղկտում են, ուրեմն թող ազնիվ լինեն հանրության հետ և բացատրեն, թե ինչո՞ւ են վախենում կամ փորձում վատաբանել»:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
