ՀՀ ղեկավարներից ով և որքան պետական պարտք է կուտակել

 

 

Անդրադառնալով ՀՀ արտաքին պարտքի ցուցանիշներին՝ Նիկոլ Փաշինյանը մշտապես ասում է, որ իշխանափոխությունից հետո այն նվազել է։ Բնականաբար, ոչ մի խոսք ՀՀ ընդհանուր պարտքի ցուցանիշի մասին նա չի ասել։  2019 թվականի հունվարի 1-ի դրությամբ Հայաստանի պետական պարտքը կազմել է 6,923 մլրդ դոլար (3,349 տրլն դրամ)՝ դանդաղեցնելով տարեկան աճի տեմպը 14% -ից մինչև 2.2%, ինչը պայմանավորված է արտաքին պարտքի աճի` 14.3%-ից մինչև 0,7%, և ներքին պարտքի աճի `12,6% -ից մինչև 8,6%, զգալի դանդաղմամբ: 2020-ի սկզբի դրությամբ՝ ՀՀ պետական պարտքը, դրամային արտահայտությամբ, կազմել է 3 տրիլիոն 512 միլիարդ դրամ, իսկ նոյեմբերի վերջի դրությամբ՝ 4 տրլն 39 մլրդ դրամ՝ տարեսկզբի համեմատ աճելով 527 մլրդ դրամով կամ 15%-ով։ Այսպիսով՝ եթե դոլարային արտահայտությամբ ՀՀ պետական պարտքը, տարեսկզբի համեմատ, աճել է 8․5%-ով, ապա դրամային արտահայտությամբ ավելացումը կազմում է 15%: Նշենք, որ 2021 թվականի պետական բյուջեի նախագծում կանխատեսվում է, որ 2021-ի վերջում պետական պարտքը կհատի 9 մլրդ դոլարի շեմը։ Այսինքն, Նիկոլ Փաշինյանը ոչ ամբողջական երեք տարիների ընթացքում պետական պարտքը ավելացրել է այնքանով, որքան որ ավելացրել էր Սերժ Սարգսյանը` կառավարման տաս տարիների ընթացքում: