Հայտնի են կորոնավիրուսի՝ Չինաստանում ծագման հանգամանքները

Մեծ Բրիտանիայի, Գերմանիայի և Միացյալ Նահանգների գիտնականներն առաջին անգամ նկարագրել են Չինաստանի հարավային և հարակից շրջաններում բնապահպանական փոփոխությունների մեխանիզմները, որոնք կարող են հանգեցնել չղջիկների տեսակների բազմազանության կտրուկ աճին, ինչն էլ իր հերթին կարող էր նպաստել կորոնավիրուսի տարածմանը։ Հետազոտության արդյունքները հրապարակված են Science of the Total Environment ամսագրում:
Կլիմայի գլոբալ փոփոխությունը՝ ջերմաստիճանի բարձրացումը, ավելի շատ արևի լույսը և մթնոլորտում ավելի շատ ածխաթթու գազի առկայությունը փոխել են բուսականության կազմը և կենդանիների բնական միջավայրը աշխարհի շատ շրջաններում: Չինաստանի շատ շրջաններում իրականացվող լայնածավալ էկոլոգիական ուսումնասիրությունը պարզել է, որ անցյալ դարի ընթացքում այդ տարածքներում բուսականության տեսակի էական փոփոխություն է տեղի ունեցել: Սա ստեղծել է բարենպաստ բնակավայր չղջիկների համար: Հայտնի է, որ  բնակչության մեջ առաջացող նոր վիրուսների քանակը ուղղակիորեն կախված է չղջիկների տեղական տեսակների քանակից: Գիտնականների գնահատմամբ, 20-րդ դարի սկզբից ի վեր Յուննանում հայտնվել են չղջիկների 40 նոր տեսակներ, որոնք իրենց հետ բերել են մոտավորապես 100 տեսակ կորոնավիրուսներ, գրում է պարբերականը: