Որքանով է վտանգավոր կորոնավիրուսով կրկնակի վարակը․ մասնագետը մանրամասնում է

Մեկ մարդու մարմնում միաժամանակ կարող են գոյակցել COVID-19-ի երկու տարբերակներ, հայտնում են գիտնականները: Այժմ աշխարհում արձանագրվում է կորոնավիրուսի մի քանի տարբերակների ի հայտ գալը: Հայտնի է, որ այս վիրուսը, որը COVID-19-ի հարուցիչն է, ունի մուտացիայի աճի տեմպ: Գիտնականները պարզել են, որ դրա տարբեր տատանումները կարող են գոյակցել մեկ մարդու մարմնում, այս մասին ասել է «Գամալեա» կենտրոնի վիրուսաբան Ալեքսանդր Բուտենկոն:
«Կան հետաքրքիր հրապարակված դիտարկումներ այն մասին, որ միևնույն անձի մոտ կարող է լինել կորոնավիրուսի երկու տարբերակ: Դրանք կամ մուտացիայի են ենթարկվում հիվանդության ընթացքում, կամ էլ մարդը վարակվել է երկու տարբերակով միաժամանակ», - ասել է վիրուսաբանը: Թե որքանով դա կարող է ազդել հիվանդության ընթացքի վրա, այժմ դժվար է ասել: Առայժմ կան միայն ենթադրություններ, բայց ոչ ապացույցներ այն մասին, որ փոփոխված վիրուսը փոխում է հիվանդության ընթացքը։ Դա բարդացնում է կամ, ընդհակառակը, ավելի հեշտացնում է այն: Կան նաև ենթադրություններ, որ նոր տարբերակները ավելի արագ են տարածվում: Ամեն դեպքում, այս բոլոր նոր գենոտիպերը դուրս չեն գալիս մեկ SARS-CoV-2 վիրուսի շրջանակներից։ Ըստ Բուտենկոյի՝ պատվաստումը պաշտպանություն է կորոնավիրուսի ցանկացած տեսակի կրկնակի ներթափանցումից: