Ցուցարարներն այրել են ԱՄՆ-ի հյուպատոսարանը

Երեկ երեկոյան Բենգազիում հարձակում է տեղի ունեցել Ամերիկայի հյուապտոսարանի վրա. հաղորդում է Agence France-Presseը: Ըստ AFP-ի՝ զինված մահմեդականների խումբն այրել է դիվանագիտական առաքելության շենքը: Ալ արաբիա հեռուստաընկերությունն իր հերթին հաղորդում է, որ հյուպատոսարանի վրա նռնակներ են նետվել:

Reuters-ը, հղում կատարելով Լիբիայի ուժային կառույցներին, հաղորդում է կատաղի բախումների մասին, որոնք տեղի են ունեցել հյուպատոսարանի առջև հավաքված ցուցարարների և զինվորականների միջև: Դիվանագիտական առաքելությանը պատկանող տարածքը շրջափակվել է, հարող փողոցները փակվել են, հայտնում են գործակալության աշխատակիցները:

Լիբիական իշխանությունների ներկայացուցիչների խոսքերով՝ հարձակումը կազմակերպել են իսլամականները, որոնք բողոքում են ամերիկյան հեռուստաընկերության կողմից սեպետեմբերի 11-ի ահաբեկչության տարելիցին նվիրված ամերիկյան ֆիլմի ցուցադրման դեմ, որը նրանց պնդմամբ վարկաբեկում է Մուհամմեդ մարգարեին:

Լիբիայի ներքին գործերի նախարարության ներկայացուցիչները հավելել են, որ Տրիպոլիում ԱՄՆ-ի դեսպանատունը հաստատել է Բենգազիում ամերիկյան հյուպատոսարանի վրա տեղի ունեցած հարձակման փաստը: ԱՄՆ պետդեպարտամետնը դեռևս չի մեկնաբանել Լիբիայում տեղի ունեցածը:

Ինչպես հաղորդում է Associated Pressը, հարձակման պահին հյուպատոսարանը դատարկ էր, և աշխատակիցներից որևէ մեկը չի տուժել, սակայն դիվանագիտական առաքելության շենքը վնասվել է հրդեհի հետևանքով. հայտնել են գործակալությանը ականատեսները:

Ավելի վաղ՝ երեքշաբթի օրը, Մուհամմեդ մարգարեին վարկաբեկող ֆիլմի դեմ բողոքող ցուցարարները Կահիրեում պոկել ԱՄՆ-ի դեսպանատան դրոշը՝ փոխարինելով այն սև պաստառով, որի վրա գրված էր՝ «Չկա աստված՝ Ալլահից բացի, և Մուհամմեդը նրա մարգարեն է»: Ինչպես հաղորդվում է, Եգիպտոսի մայրաքաղաքում ոստիկանության աշխատակիցներին հաջողվել է խաղաղ միջոցներով ցրել ցույցը: