Հայաստանի հետ սահմանի բացման Թուրքիայի նախապայմանը. Էրդողան

Հայաստանի հետ Սահմանը չի բացվի այնքան ժամանակ, քանի դեռ կողմերը և, առաջին հերթին, ԵԱՀԿ Մինսկի խումբը լուծում չտան ադրբեջանա-հայկական ղարաբաղյան հիմնախնդրին: Այդ մասին հայտարարել է Թուրքիայի վարչապետ Ռեջեպ Թայիբ Էրդողանը սեպտեմբերի 11-ին Թուքիայի և Ադրբեջանի միջև կայացած ռազմավարական համագործակցության խորհդրի 2-րդ նիստի ավարտից հետո:

«Մենք միշտ ենք այդ մասին խոսել: Մենք չենք կարող գնալ այդ քայլին: Մեր քայլերը կախված են Ադրբեջանի օկուպացված տարածքներից հայկական զինված ուժերի դուրս բերումից: Միջազգային հանրությունն այդ տարածքները ճանաչում է որպես ադրբեջանական, սակայն չի վերադարձնում այդ հողերը նրան՝ օրինական տիրոջը: Այդ հարցում Թուրքիան միշտ լինելու է Ադրբեջանի կողքին», ընդգծել է վարչապետը:

Էրդողանը նշեց, որ քայլեր են ձեռնարկվում Ադրբեջանը Թուրքիային երկաթուղային ճանապարհով կապելու աշխատանքների արագացման ուղղությամբ:

«Այսօր մենք քննարկել ենք կարևորագույն հարցեր, որոնք վերաբերում են քաղաքական, ռազմական, մշակութային, տնտեսական և այլ ոլորտներին»։
Ըստ Էրդողանի՝ Թուրքիայի և Ադրբեջանի միջև համագործակցությունը տարբեր ոլորտներում, ինչպես նաև՝ միջազգային կազմակերպություններում, կարող է օրինակ ծառայել:

Այսօր Ադրբեջանի անդամակցության փաստը ՆԱՏՕ-ի ԱԽ-ին շատ կարևոր է Թուրքիայի համար: Ես հուսով եմ, որ 2015-2016թթ. Թուրքիան նույնպես կդառնա ԱԽ-ի ոչ մշտական անդամ: