ԱՄՆ-ը և Իսրայելը անցել են բացահայտ հակամարտության Իրանի հարցում

ԱՄՆ-ը և Իսրայելը անցել են բացահայտ հակամարտության Իրանի հարցում, որոշել է մամուլը:

Տարաձայնությունները ԱՄՆ-ի և և Իսրայելի միջև Իրանի միջուկային խնդրի շուրջ վերածվել են բացահայտ թշնամանքի: Այդ մասին է վկայում այն փաստը, որ Իսրայելի վարչապետ Բենիամին Նաթանյաhուն կտրուկ քննադատել է ամերիկացիների դիրքորոշումը, իսկ Սպիտակ տունն իր հերթին հայտնում է, որ նախագահ Բարաք Օբաման չի հանդիպի Նաթանյահուին ԱՄՆ-ում՝ ընթացիկ ամսվա ընթացքում, հաղորդում է The Financial Times-ը:

Երեքշաբթի օրը Նաթանյահուն քննադատել է Վաշինգտոնի մերժումը այսպես կոչված «կարմիր գիծ» սահմանելու հարցում, չափանիշ, որն Իրանի կողմից խախտվելու դեպքում ԱՄՆ-ը հարձակում կգործի Իրանի միջուկային օբյեկտների վրա, պարզաբանում է inopressa-ն: «Աշխարհը կոչ է անում Իսրայելին սպասել, իսկ ես ասում եմ ՝ ինչի՞ն սպասել: Է՞լ ինչին է պետք սպասել: Միջազգային հանրության ներկայացուցիչները, որոնք հրաժարվում են «կարմիր գիծ» սահմանել Իրանի համար, բարոյական իրավունք չունեն «Կարմիր լույս» ցույց տալ Իսրայելին, հայտարարել է նա և ընդգծել, որ Իրանը արդեն մոտ է միջուկային ռումբի ստեղծմանը:

Սպիտակ տունն իր հերթին հայտարարել է, որ չնայած Նաթանյահուն սեպտեմբերի վերջին կժամանի Նյու Յորք՝ ՄԱԿ-ի Գլխավոր ասամբլեայի հավաքին մասնակցելու համար, սակայն ԱՄՆ-ի նախագահի հետ նրա հանդիպումը չի պլանավորվում:

Ամենայն հավանականությամբ ԱՄՆ-ում նախագահական ընտրություններին ընդառաջ Բարաք Օբաման չի ցանկանում սրել բանավեճերը արտաքին քաղաքական բարդ թեմաներով՝ ձգտելով համոզել ընտրազանգվածներին, որ իր առաջին նախագահումը հաջող է ընթացել բոլոր առումներով: