Սիրիայում ռազմավարական նշանակության օբյեկտի պայթյուն է տեղի ունեցել

Ինչպես հաղորդում է սիրիական "SANA" լրատվական գործակալությունը` այսօր Սիրիայում պայթել է ռազմավարական նշանակություն ունեցող նավթամուղ (տեսանյութ), որի հումքը առաքվում էր Սիրիայի արևելյան շրջանի Հոմս քաղաքի նավթավերամշակման գործարան:

"SANA" լրատվական գործակալության հաղորդմամբ` նավթամուղը պայթեցվել է զինված ահաբեկչական խմբավորմուների կողմից: Սակայն հարձկումն իրականացնողների և դրդապատճառների վերաբերյալ մանրամասնություններ չեն հաղորդում: Միևնույն ժամանակ Սիրիայի ահաբեկչական խմբավորումները, որոնք իրենց ինքնահռչակել են որպես «Սիրիայի անկախ բանակ», հայտարարել են, որ նավթամուղը պայթեցվել է Բաշար Ասադի ուժերի կողմից: Սակայն, այս պահի դրությամբ, որևէ ուժ պայթյունի պատասխանատվությունը չի ստանձնել: Բռնկված հրդեհի մարման և վերկանգնողական աշխատանքներ այս պահի դրությամբ չեն իրականացվում: 

Հիշեցնենք, որ այս տարվա մարտ ամսից սկսած՝ շարունակվում են Ասադի ռեժիմի դեմ ցույցերը, որի հետևանքով, ըստ ՄԱԿ-ի տվյալների, զոհվել է մոտ 4.000 մարդ: