Բրիտանական հեռուստաընկերությունը հրաժարվել է իսլամի մասին ֆիլմի ցուցադրումից
Համաշխարհային Մամուլ
Բրիտանական Channel 4 հեռուստաընկերությունը հրաժարվել է «Իսլամ, չբացահայտված պատմություն» վերնագրով վավերագրական ֆիլմի հանրային ցուցադրումից այն բանից հետո, երբ վերջինիս հեղինակ, պատմաբան Թոմ Հոլլանդի հասցեին անմիջական սպառնալիքներ են հնչել: Այս մասին հաղորդում է The Daily Telegraph-ը:
Իր վավերագրական ֆիլմում Հոլլանդը պատմում է իսլամի հիմնադիր, մարգարե Մուհամմեդի գոյության ապացույցների գրավոր փաստերի բացակայության մասին:
Ֆիլմի ցուցադրումից հետո Channel 4 հեռուստաընկերությունն ավելի քան 1000 բողոք է ստացել, իսկ իսլամագիտական հետազոտությունների և կրթության ակադեմիան մեղադրել է հեղինակին անհիմն ենթադրությունների մեջ: Իրանական ԶԼՄ-ները ֆիլմը համարել են վիրավորական մուսուլմանների համար: Իր հասցեին հնչած մեղադրանքներին ի պատասխան՝ Հոլլանդը հայտարարել է, որ իր ուսումնասիրություններն իսլամագիտության ոլորտում հիմնավոր են:
Բողոքներից բացի Հոլլանդը ստացել է նաև բազմաթիվ սպառնալիքներ՝ համացանցի միջոցով: Անվտանգության ծառայության հետ խորհրդակցությունից հետո հեռուստաալիքի ղեկավարությունը որոշել է հրաժարվել ֆիլմի հանրային ցուցադրումից, որը ծրագրված է եղել իրականացնել սեպտեմբերի 13-ին:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
