Apple-ը պաշտոնապես ներկայացրեց iPhone 5-ը (Տեսանյութ)
Տեսանյութեր
Apple ընկերությունը պաշտոնապես ներկայացրեց իր նոր սմարթֆոնը՝ iPhone 5-ը։ Այս մասին հայտնում է korrespondent.net-ը։
iPhone 5-ի շնորհանդեսը վարել է ընկերության միջազգային մարկետինգի գծով փոխնախագահ Ֆիլ Շիլլերը։ Այն ամբողջությամբ պատրաստված է ապակուց և ալյումինից։ Սմարթֆոնի հաստությունը 7.6 մմ է, ինչը 18%-ով ավելի բարակ է, քան iPhone 4-ինը։ Հեռախոսի քաշը 112 գրամ է, ինչը 29%-ով թեթև է նախորդինից։
iPhone–ի նոր մոդելն աշխատում է նաև LTE բջջային ցանցերի պայմաններում։ Այն ձեռք է բերել նաև նոր, ավելի կատարելագործված Apple A6 պրոցեսոր։ Շիլլերի խոսքերով՝ նոր սմարթֆոնը 2 անգամ ավելի արագ է մշակում գրաֆիկան, քան իր նախորդը։
Նոր iPhone–ի լիցքը բավարարում է 10 ժամ տեսանյութեր դիտելու, 40 ժամ երաժշտություն լսելու կամ 225 ժամ ոչ ակտիվ ռեժիմով գործելու համար։ Այն ունի 3 բարձրախոս, իսկ դրա ականջակալներն ունեն ձայնամեկուսիչ ֆունկցիա։
Շիլլերի բնորոշմամբ՝ iPhone 5–ն ամենագեղեցիկ բանն է, որ իրենք երբևէ ստեղծել են։ Սմարթֆոնը կլինի 2 գույնի՝ սև ու սպիտակ։
ԱՄՆ–ում այն կարժենա 199 ԱՄՆ դոլար 16 Gb-ի համար, 299 դոլար՝ 32 Gb-ի համար և 399 ԱՄՆ դոլար՝ 64 Gb-ի համար։
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
