«Սորոսական մեթոդները դավաճանեցին Փաշինյանին»․ Պետդումայում մեկնաբանել են ՀՀ վարչապետի՝ «Իսկանդերի» մասին հայտարարությունը

ՀՀ վարչապետ Նիկոլ Փաշինյանի հայտարարությունը «Իսկանդեր» օպերատիվ-մարտավարական համալիրի ենթադրաբար չպայթած հրթիռների մասին առնվազն վկայում է նրա անկարողության մասին,  Ռիա Նովոստիին ասել է Պետդումայի պատգամավոր, Ռուսաստանի և Սիրիայի խորհրդարանների բարեկամության խմբի ղեկավար Դմիտրի Սաբլինը:
Այսպես է նա մեկնաբանել ՀՀ վարչապետի խոսքերն այն մասին, թե Լեռնային Ղարաբաղում աշնանային մարտերում օգտագործված «Իսկանդերի» հրթիռները չեն պայթել կամ «պայթել են 10 %-ով»: Հայաստանի պաշտպանության նախարարությունը չի մեկնաբանել այս հայտարարությունը: «Վատ պարողին ոտքերն են խանգարում»: Այս ժողովրդական կծու իմաստությունը լավագույնս բնութագրում է Հայաստանի վարչապետի խոսքերը վերջին պատերազմում «Իսկանդեր» օգտագործելու մասին: «Իսկանդերը» հաստատել է իր բարձր ցուցանիշները Սիրիայում՝ ահաբեկչության դեմ պատերազմում», - ասել է Սաբլինը: Նրա կարծիքով՝ դա միայն Հայաստանի վարչապետի անգործունակությունը չէ:
«Սորոսի մեթոդները դավաճանեցին Փաշինյանին: Սա ևս մեկ վկայություն է այն բանի, թե ինչպես փողոցը, խորթ թշնամական սցենարով, գեղեցիկ կարգախոսների ներքո, իր երկիրը կործանող մարդուն բերեց իշխանության: Դրանում համոզվեցին ոչ միայն Հայաստանի քաղաքացիները», - հավելել է պատգամավորը:

Այս թեմայով Սերոբ Գասպարյանի տանը տանկ ու իսկանդեր են փնտրել՝ չեն գտել, բայց կալանավորել են. Hraparak.am Մահացել է «Իսկանդեր-Մ» հրթիռային համալիրի գլխավոր կոնստրուկտորը ՌԴ ԶՈւ-ն «Իսկանդերով» ոչնչացրել է Զապորոժիեում գտնվող ԱԹՍ-ների արտադրամասը և պահեստը (տեսանյութ) ՌԴ-ն զանգվածային հարված է հասցրել Ուկրաինային՝ կիրառելով մոտ 100 ԱԹՍ, «Իսկանդեր» և «Կինժալ» Ռուսաստանն «Իսկանդեր-Մ»-ով հարվածել է Օդեսային․ ԶԼՄ