Հայկ Կոնջորյանի «դուխը» չի՞ հերիքում ադրբեջանցիների «պորտատեղադրման» համար

«Իմ քայլի» պատգամավոր Հայկ Կոնջորյանը այսօր ԱԺ նիստերի դահլիճում հաթաթա էր տալիս ընդդիմության ներկայացուցչին` հռետորական հարց հղելով՝ «Ո՞ւր էիք և ինչո՞ւ ԵԱՀԿ ԽՎ-ում ադրբեջանցիների պորտը տեղը չեք դրել, այլ ստեղ մեր պորտատեղադրմամբ եք զբաղվում»: 

Եթե հաթաթա տվող պատգամավորի ղեկավարած պատվիրակությունը ԵԱՀԿ ԽՎ-ում ադրբեջանցիներին սրտի կաթվածի հասցրած լիներ իր մեղադրանքներով և կոշտ հայտարարություններով՝ նման մեղադրանքը դեռևս կարելի կլիներ ընդունելի համարել: Սակայն, բանն այն է, որ Կոնջորյանը իր թիմակիցների հետ այդ նույն ԽՎ-ում ձկան պես լռել է, չի պաշտպանել ՀՀ-ի և Արցախի շահերը, չի արել սուր հարցադրումներ, չի հնչեցրել մեղադրանքներ, չի ներկայացրել ապացույցներ, գործի չի դրել միջազգային լծակները օրինակ՝ գերիների հարցի լուծումը մոտեցնելու նպատակով:

Սակայն, գալով Հայաստան և հայտնվելով բնական միջավայրում` Կոնջորյանը և թիմակիցները լեզու են ձեռք բերել և հաթաթա են տալիս ընդդիմությանը: Հարց է առաջանում` իսկ իրենք ի՞նչ են արել: Հայաստանի խորհրդարանական բոլոր պատվիրակությունները տարակուսելի լոյալություն են դրսևորում միջազգային հարթակներում թուրք-ադրբեջանական տանդեմի հանդեպ, նրանց այդքան գովերգած դուխը չի հերիքում հենց այդ հարթակներում թշնամուն հաթաթա տալուն և պորտատեղադրում անելուն, դուխը արթնանում է միայն ԱԺ նիստերի դահլիճում՝ յուրայիններով շրջապատված: Իսկ գուցե Կոնջորյանի և թիմակիցների համար թշնամին թուրք-ադրբեջանական տանդեմը չէ, այլ ԱԺ-ում նստած՝ իրենց իշխանության ընդդիմախոսները և հենց նրանց պորտատեղադրման համար են Կոնջորյանը և մյուսները ստանում միլիոնների հասնող պարգևատրումներ, այլ ոչ թե թուրք-ադրբեջանական տանդեմի...

Այս թեմայով Ռուբեն Վարդանյանի կինը, որդին, քույրն ու Նուբար Աֆեյանը մասնակցում են գերիների տունդարձի միասնական աղոթքին (տեսանյութ) Գետինը չե՞ք մտնում, Բաքվում գերիներ ունենք, Միրզոյանն ու Փաշինյանը հռհռալով անասունների են քննարկում. Առաքելյան (տեսանյութ) ՌԴ-ն և Ուկրաինան 90 գերիներ են փոխանակել ՔՊ-ն մանդատները չի դնելու, հերթական ընտրությունները 2026-ին են լինելու. Հայկ Կոնջորյան (տեսանյութ) Դուք կուլտուրական մարդ եք, պարոն Մինասյա'ն, ինչի՞ եք հայդուկավարի տեքստեր ասում. Հայկ Կոնջորյան (տեսանյութ)