Ինչի՞ վրա են ծախսվել «կադրային բանկի» համալրմանն ուղղված գումարները

Թավշյա հեղափոխությունից հետո իշխանությունները հպարտորեն հայտարարում էին, որ իրենց հետ համագործակցելու համար հերթ են կազմել աշխարհի ամենաառաջադեմ մասնագետները, որոնք պարզապես երազում են համագործակցել Նոր Հայաստանի ղեկավարների հետ: Այնուհետև հայտարարվեց այսպես ասած` «կադրային բանկի» ստեղծման մասին, որտեղ պետք է հավաքվեին հանրապետության լուսավոր ուղեղների ռեզյումեները, իսկ կառավարությունը իր հերթին վերջիններիս պետք է տեղավորեր աշխատանքի պետական կառավարման համակարգում: Դրանով էլ չբավարարվելով` կառավարությունը հայտարարել էր սփյուռքի երիտասարդ մասնագետներին Հայաստան բերելու նպատակով ստեղծված Իգործ ծրագիրը: 

Ծրագրին դիմելու համար անհրաժեշտ էր ունենալ մագիստրոսի կամ ավելի բարձր գիտական աստիճան: Սփյուռքի գործերի գլխավոր հանձնակատարի գրասենյակը մասնակիցներին տրամադրելու էր ավիատոմս և 336 հազար դրամ գումար՝ կեցության ծախսերը հոգալու համար: Ընդհանուր առմամբ` նախատեսվում էր ծրագրում ներառել 100 սփյուռքահայ երիտասարդի: Սակայն ծրագրի արդյունքներից դեռևս որևէ նորություն չկա: Նորություն չկա նաև վարչապետի աշխատակազմի արդեն նախկին ղեկավար Էդուարդ Աղաջանյանի կուռացիայի տակ գտնվող «կադրային բանկի» գրանցած հաջողություններից: Հասկանալի է, որ այս ծրագրերի իրականացման նպատակով բյուջեից ահռելի գումարներ են հատկացվել և հարց է առաջանում՝ իսկ որտե՞ղ են այդ գումարները, եթե ծրագրի արդյունքները հանրության համար տեսանելի չեն:

Ընդ որում, տեսանելի չեն նաև կառավարության համար, հակառակ դեպքում` Փաշինյանը ստիպված չէր լինի օրինակ՝ տուրիզմի կենտրոն համարվող Դիլիջանի քաղաքապետի ԺՊ նշանակել բենզալցակայանի աշխատակցի, իսկ համայնքներում իր հրաժարականը պահանջած համայնքապետերին փոխարինել օրինակ՝ անասնապահով և ամենաբարձրը՝ «Վերջ թավիշին» գոռացող երիտասարդին: Հասկանալի է, որ իշխանությունները բախվել են լրջագույն կադրային ճգնաժամի, նրանց վարած քաղաքականության արդյունքում քիչ թե շատ կենսագրություն ունեցող, ճանապարհ անցած և փորձառու մասնագետները պարզապես չեն ցանկանում համագործակցել, «կադրային բանկն» ու սփյուռքն էլ, կարծես թե, չհաջողվեց ներառել պետականաշինության բուռն գործընթացի մեջ, մնում է, ինչպես ասում են, բավարարվել ձեռքի տակ եղած կադրերով...

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան