Արհեստական աժիոտաժ՝ պատվաստմանն ընդառաջ. ինչո՞ւ նախարարը «հիշեց» համավարակի մասին

Վերջին օրերին Հայաստանի առողջապահության նախարարությունը, արթնանալով խորը թմբիրից, ահազանգում է կորոնավիրուսի համավարակով վարակվածների թվի կտրուկ աճի մասին: Մի կողմից, իհարկե, հասկանալի է, որ այդ թիվը կարող էր աճել նաև օբյեկտիվ պատճառներից ելնելով` հաշվի առնելով, որ վերջին շրջանում հանրապետությունում տեղի են ունենում բողոքի զանգվածային ակցիաներ, իսկ ոստիկանությունը, փոխարենը վերահսկի դիմակների կրումը, զբաղված է կամ վարչապետի անվտանգությունը ապահովելով, կամ էլ ցույցերի մասնակիցներին հսկելով:

Մյուս կողմից շատերը նախարարության այս պոռթկումը կապում են նաև քաղաքական գործընթացներով, տարակուսելի է, որ համավարակի թվերը նման կտրուկ կերպով աճեցին հենց այն ժամանակ, երբ Նիկոլ Փաշինյանի ընդդիմադիրները անցան ակտիվ փողոցային պայքարի: Սակայն, կա ևս մեկ պատճառ, որով էլ կարող է պայմանավորված լինել նախարարության այս ակտիվությունը: Գարնանը, համաճարակի առաջին բռնկումից հետո, ապա հունիսին անիմաստ կարանտին վերացումից հետո, այնուհետև սեպտեմբերին դպրոցների ու ԲՈՒՀ-երի գործարկումից հետո, և պատերազմի խառիխուռը շփումներից հետո  թվում էր, թե այլևս չի մնացել նոր կոնտակտների ինչ որ նոր առիթ, որը կարող է սասանել արդեն իմունիզացված մարդկանցով ձևավորված պատնեշը։ Սակայն, արի ու տես, որ նախարար Անահիտ Ավանեսյանը այդ առիթը գտել է:

Բանն այն է, որ մոտակա օրերս ի վերջո Հայաստան կհասնի նախարարության գնած արևմտյան արտադրության Աստրա Զենեկա պատվաստանյութը և տպավորություն է, որ վերջին օրերի աժիոտաժը արհեստականորեն հրահրվում է հենց տվյալ պատվաստանյութը ավելի արագ սպառելու և իրացնելու նպատակով: Ակտիվացել են նաև խոսակցությունները, որ նախարարությունը կարող է հանդես գալ պատվաստումը պարտադիր դարձնելու առաջարկությամբ և, իհարկե, դրան ընդառաջ` պետք է ապահովել համապատասխան սարսափազդու ֆոնը՝ հարյուրավոր վարակվածներով, տուգանքներով և սպառնալիքներով լի:

Իսկ իրականությունը կայանում է նրանում, որ Հայաստանի առողջապահության նախարարությունը շարունակում է թելել արևտմյան մի շարք ֆոնդերի, մասնավորապես` տխրահռչակ Գավիի հիմնադրամի թելը, որի դուստր կազմակերպությունից էլ գնվել է վերը նշված պատվաստանյութը: