ԱՀԿ֊ն կորոնավիրուսային համաճարակի ավարտի մասին նոր տվյալներ է ներկայացրել

Առողջապահության համաշխարհային կազմակերպության եվրոպական մասնաճյուղի ղեկավար Հանս Քլուգեն Welt-ին տված հարցազրույցում ասել է, որ COVID-19 համաճարակի ավարտը կարելի է ակնկալել մինչ 2022 թվականը:
«Ենթադրում եմ, որ 2021 թվականը կլինի COVID- ի ևս մեկ տարի: Բայց դա կլինի ավելի կանխատեսելի և կառավարելի: 2020 թվականը գիտական ​​և քաղաքական անորոշության տարի էր: Մեկ տարի անց մենք շատ ավելին գիտենք դրա մասին: Մենք ունենք գործիքներ, ախտորոշիչ ծրագրեր, ունենք պատվաստանյութ», - ասել է նա:
Կլուգեն շեշտել է, որ իր աշխատանքում կարևոր է նախապես պլանավորելը, ուստի նա ակնկալում է, որ համաճարակը կավարտվի հաջորդ տարվա սկզբին: «Դա չի նշանակում, որ վիրուսը կվերանա: Այնուամենայնիվ, հուսով եմ, որ մինչ այդ միջամտությունների անհրաժեշտություն չի լինի», - ավելացրել է նա: Նրա կարծիքով, կարևոր է նաև, թե ինչպես են երկրները վերացնելու սահմանափակումները։ Եթե դա տեղի ունենա շատ արագ, իրավիճակը կվերադառնա նախնական տեսքին: