Ե՞րբ կոռուպցիայի դեմ պայքարողները «կնկատեն» Արսեն Թորոսյանին

Առողջապահության նախարարի պաշտոնից Արսեն Թորոսյանի հեռանալուց հետո արդեն թվով երկրորդ սկանդալն է ծագում՝ կապված վերջինիս կնոջ ԲԿ-ի և առողջապահության նախարարության միջև կնքված պայմանագրերի հետ: Մամուլում տարածվող տեղեկությունների համաձայն` պաշտոնավարման ընթացքում Արսեն Թորոսյանը իր կնոջ՝ ՄԻԲՍ ԲԿ-ի հետ կնքել է շուրջ մեկ միլիարդ դրամի գնման պայմանագիր: Ինչպես ասում են՝ պաշտոնական լիազորությունների չարաշահումները ակնհայտ են, սակայն, կարծես թե, ոչ պատկան մարմինների համար: 

Դեռ Թորոսյանի պաշտոնավարման ընթացքում կոռուպցիայի կանխարգելման հանձնաժողովը հանրային պրեսինգի տակ ստիպված եղավ անդրադառնալ Թորոսյանի ընտանեկան բիզնեսին, սակայն, որևէ խախտում այդ գործընթացի մեջ չգտավ: Եղան նաև տեղեկություններ, որ գլխավոր դատախազ Արթուր Դավթյանն Արսեն Թորոսյանի կնոջ ԲԿ-ի հետ կապված մախինացիաների լուրջ ապացույցներ է դրել Նիկոլ Փաշինյանի սեղանին և ցանկացել միջնորդություն ներկայացնել այն ժամանակ դեռ նախարար Թորոսյանի կալանավորելու համար, սակայն Փաշինյանը դեմ է եղել՝ պահել է յուրայինին:

Այդ ամենից հետո Թորոսյանին ոչ միայն չպատժեցին, այլև նոր պաշտոն տվեցին, սակայն սկանդալները շարունակում են հետապնդել վերջինիս: Կունենա՞ն պատկան մարմինները, մասնավորապես` կոռուպցիայի կանխարգելման հանձնաժողովը և գլխավոր դատախազը, որպեսզի գոնե այս անգամ անաչառ ուսումնասիրեն Թորոսյանի և իր կնոջ պոտենցիալ մախինացիաները, ի վերջո՝ խոսքը փոքր թվերի մասին չէ: Ավելի փոքր գումարի՝ կես միլիարդ դրամի պատճառով քրեական գործ է հարուցվել երրորդ նախագահ Սերժ Սարգսյանի նկատմամբ, հետաքրքիր է՝ եր՞բ պատկան մարմինները կնկատեն ավելի մեծ ծավալով և պետությանը առավել մեծ վնաս հասցրած խախտումները՝ յուրայինների շարքերում...

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան