Կահիրեում ոստիկանները արցունքաբեր գազ են կիրառել ցուցարարների դեմ
Մերձավոր Արևելք
Եգիպտոսի ոստիկանությունը հինգշաբթի օրը ստիպված է եղել արցունքաբեր գազ կիրառել Կահիրեում ԱՄՆ-ի դեսպանատան առջև հավաքված ցուցարարներին ցրելու նպատակով: Ցուցարարները բողոքում են «Իսլամի անմեղությունը» ֆիլմի դեմ, որը մահմեդականների կարծիքով վիրավորում է իրենց մարգարեին: Եգիպտական Գարդեն սիթի թաղամասը, որտեղ գտնվում են Ամերիկյան դիվանագիտական առաքելության համալիր շինությունները, շրջափակվել է հարյուրավոր ոստիկանների կողմից, երթևեկությունն ամբողջովին կանգնեցված է:
Եգիպտոսի ոստիկանության տվյալներով՝ այս պահին բախումների արդյունքում տուժածների թիվը հասնում է 30-ի, որոնց թվում՝ նաև ոստիկանության աշխատակիցներ:
Եգիպտական հեռուստաընկերությունները մեջբերում են նախագահ Մուհամմեդ Մուրսիի ելույթը, որը պաշտոնական այցով գտնվում է Բրյուսելում, որտեղ նա կոչ է անում եգիպտացիներին իրենց բողոքն արտահայտել միայն խաղաղ միջոցներով: Նա անընդունելի է համարում հարձակումը խաղաղ բնակիչների, պետական և դիվանագիտական առաքելության շինությունների վրա:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
