Apple Mac համակարգիչներն ամենախոցելին են հաքերային հարձակման համար․ մասնագետներ

Apple Mac համակարգիչները, որոնք աշխատում են վերջերս ներմուծված M1 չիպով, կարող են հեշտությամբ խոցվել հաքերների կողմից։ Այս եզրակացությանն են հանգել Կոռնելի համալսարանի կիբերանվտանգության հետազոտողները: Apple-ի նոր համակարգիչները ենթակա են կիբերհանցագործների հարձակումների, նույնիսկ եթե JavaScript-ն անջատված է: Խոցելիությունը հաքերներին թույլ է տալիս տեսնել օգտվողի վեբ գործունեությունը`օգտագործելով տվյալների փաթեթների հաջորդականությունը: Այսպես կարելի է ոչ միայն JavaScript-ը շրջանցել, այլ նաև կարող են շրջանցվել գաղտնիության տեխնոլոգիաները, ինչպիսիք են VPN֊ը և TOR֊ը:
Հետազոտողները փորձարկել են Intel Core, AMD Ryzen, Samsung Exynos և Apple M1 պլատֆորմները: Պարզվել է, որ բոլոր պրոցեսորները այս կամ այն ​​կերպ ենթակա են նման հարձակման: Բայց Apple M1-ի և Samsung Exynos-ի չիպերն ամենախոցելին են նման հաքերային հարձակումների համար: Ավելի վաղ Red Canary հետազոտողները հայտնաբերել էին, որ ամբողջ աշխարհում տասնյակ հազարավոր Mac-եր «վարակվել են» Silver Sparrow հաքերային ծրագրերով: Այս վիրուսը պոտենցիալ վտանգ է ներկայացնում Apple Mac համակարգիչ օգտագործողների համար։