ԱՀԿ-ն կոչ է անում զգուշություն ցուցաբերել COVID-19 միջոցառումների փուլային հեռացման հարցում
Գիտություն և Մշակույթ
Առողջապահության համաշխարհային կազմակերպությունը կոչ է անում շարունակել վերահսկել COVID-19- ով պայմանավորված իրավիճակը : Այս մասին ասել է Ռուսաստանում ԱՀԿ ներկայացուցիչ Մելիտա Վույնովիչը:
«Վիրուսի նահանջը լավ է ընթանում, բայց այն պետք է վերահսկել: Ինչպես ասացինք, իմունացված անձանց թիվը բավարար չէ։ Պետք է զգույշ լինել և վերահսկել իրավիճակը», - ասել է Վույնովիչը։ Նրա խոսքով՝ ԱՀԿ-ն խորհուրդ է տալիս զգուշություն ցուցաբերել՝ կապված հակահամաճարակային միջոցառումների աստիճանական հեռացման հետ:
«Մենք խորհուրդ ենք տալիս զգույշ լինել, քանի որ աճը կարող է շատ արագ ընթանալ, և դա մենք տեսնում ենք մի քանի երկրներում», - ընդգծել է Վույնովիչ։ «Մենք մեծապես խորհուրդ ենք տալիս անհատական միջոցներ ձեռնարկել՝ ներառյալ դիմակների կրումը, ձեռքերի հիգիենայի պահպանումը, մակերևույթների ախտահանումը և բավարար հեռավորության պահպանումը։ Այս վիրուսը շատ ագրեսիվ է: Նրա նոր շտամներն ու տարբերակները ավելի վարակիչ են: Դրա համար պետք է էլ ավելի զգույշ լինել», - եզրափակել է ԱՀԿ ներկայացուցիչը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
