ՔՊ-ական մարզպետի ճոխ գնումները. խրախճանք՝ ժանտախտի ժամանակ

ՔՊ-ական պաշտոնյաների համար բյուջեի հաշվին ճոխ ծախսեր կատարելը, կարծես թե, սովորություն է դարձել, նրանց չի կանգնեցնում անգամ այն փաստը, որ կառավարության ապաշնորհ տնտեսական քաղաքականության արդյունքում շուտով կենսաթոշակներ և աշխատավարձեր վճարելու խնդրի առջև են կանգնելու: Դիցուք՝ նման շռայլ պաշտոնյաներից մեկն էլ Արարատի նորանշանակ մարզպետ Ռազմիկ Թևոնյանն է:

Կառավարության կայքում առկա մեկ անձից կատարած գնումների ցանկից պարզ է դառնում, որ Արարատի մարզպետարանը գոտիները ձգելու որևէ ցանկություն չի ցուցաբերում: Այսպես՝ «Յու. Հարությունյան և Որդիներ» ՍՊԸ-ից գնվել է 437,460 տնտեսական ապրանք: Ա/Ձ Մարատ Եփրեմյանից 1,197,000 դրամի պահեստամասեր են գնվել, «Էլեկտրիկ» ԱԿ-ից 270 հազար դրամի գրասենյակային ապրանք է ձեռք բերվել, Ա/Ձ Ա Ղազարյանից՝ 696,000 դրամի ավտոմեքենաների վերանորոգման ծառայություն, ԱՁ Ռոբերտ Պողոսյանից՝ 500,000 դրամի համակարգչային սարքերի պահպանման և վերանորոգման ծառայություններ, «ԼՍՈՖՏ» ՍՊԸ-ից՝ 550,000 հազար դրամի ծրագրային ապահովման սպասարկման ծառայություններ, «ՎԻ ԻՔՍ ՍՈՖԹ» ՍՊԸ-ից՝ 1,380,000 դրամի ծրագրային ապահովման սպասարկման ծառայություններ, «Հայկական ծրագրեր»  ՍՊԸ-ի հետ 95.000 դրամի ծրագրային ապահովման ծառայություն է գնվել:

Արարատի մարզպետարանը նաև Ռազմիկ Թևոնյանի նախորդի՝ Գարիկ Սարգսյանի ղեկավարման տարիներին էր աչքի ընկնում ճոխ և հիմնականում անտեղի ծախսերով՝ մշտապես լինելով այս հարցում առաջատարը պետական հիմնարկների մեջ` զիջելով թերևս միայն ԱԺ աշխատակազմին: Ինչպես տեսնում ենք` Արարատի մարզում փոխվում են ՔՊ-ական մարզպետները, սակայն բարքերը մնում են նույնը:

Եվ ինչպես հասկանում ենք՝ Նիկոլ Փաշինյանի գոտիները ձգելու կոչերը վերաբերվում են միայն առանց այդ էլ սոցիալ-տնտեսական ծանրագույն վիճակում հայտնված հպարտ քաղաքացիներին, սակայն ոչ իր թիմակիցներին, ովքեր շարունակում են հարկատուների հաշվին վայելել խրախճանքը ժանտախտի ժամանակ...

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան