Քերոբյա՞ն, թե՞ Փաշինյան. ո՞վ է ստում հանրությանը

Տնտեսական ոլորտի աճպարարություններն ու թվային տվյալների խեղաթյուրումները հասել են այն աստիճանի, որ ոլորտի տարբեր պատասխանտուներն սկսվել են հակադրվել մեկը մյուսին եւ այս պարագայում փորձել պարզել, թե ո՞ր մեկն է ո՞ր չափով ստում` գործնականում անհնար է։

Ամենավերջին նման դեպքը գրանցվեց այսօր, երբ հերթական անգամ հակադրվեցին՝ էկոնոմիկայի նախարար Վահան Քերոբյանի և վարչապետ Նիկոլ Փաշինյանի տվյալները: Եթե Փաշինյանը պնդում է, որ գյուղատնտեսությունը այն եզակի ճյուղերից է, որ լայն թափով աճ է արձանագրում, ապա նախարար Քերոբյանը հենց կառավարության նիստի ընթացքում Փաշինյանին մեղադրում է ստախոսության մեջ՝ պնդելով, որ որևէ նշանակալից աճ ալորտը չի արձանագրել:

Սա նախարարի և վարչապետի առաջին հակասությունը չէ: Եթե Փաշինյանը պնդում է, որ տնտեսությունը առողջանում է, իսկ բիզնեսը պատշաճ աջակցություն է ստանում պետությունից, ապա նախարարը իր հարցազրույցի ընթացքում հայտարարում է, որ բիզնեսի վիճակը Հայաստանում ծայրաստիճան վատ է: Մյուս կողմից էլ՝ Քերոբյանը հաջողում է հակասել նաև ինքն իրեն. մի կողմից նա հայտարարում է, որ ներդրողների հերթ է գոյացել՝ Հայաստանում համապատասխան ինվեստիցիաներ անել ցանկացողներից, մյուս դեպքում հայտարարում է, որ Հայաստանում տնտեսական ճգնաժամը կարող է դեռ երկար ձգվել: Հարց է առաջանում, իսկ եթե կան միլիարդների հասնող ներդրումներ, ինչպես պնդում է նախարարը, ինչո՞ւ են իր կանխատեսումները այդչափ հոռետեսական… 

Ինչպես տեսնում ենք՝ հստակ սահմանազատել ճիշտն ու սխալը ստեղծված իրավիճակում անչափ բարդ գործ է: Մնում է կռահել, թե ով է վերը նշված երեքից առավել անկեղծ հանրության հետ` տնտեսության իրական վիճակը բնութագրելիս…