Թուրքիան դուրս է եկել Կանանց իրավունքների պաշտպանության Ստամբուլյան կոնվենցիայից

Թուրքիան հայտարարել է Կանանց նկատմամբ բռնության կանխարգելման և դրա դեմ պայքարի մասին Եվրոպայի խորհրդի Ստամբուլի կոնվենցիայից դուրս գալու մասին։ Թուրքիայի նախագահ Թայիփ Էրդողանի համապատասխան հրամանագիրը հրապարակվել է Resmi Gazete պաշտոնական պորտալում: «Կանանց նկատմամբ բռնության և ընտանեկան բռնության կանխարգելման և դրա դեմ պայքարի մասին Եվրոպայի խորհրդի կոնվենցիան, որը ստորագրվել է Թուրքիայի Հանրապետության անունից՝ 2011 թվականի մայիսի 11-ին և կառավարության հրամանագրով հաստատվել է 2012 թվականի փետրվարի 10-ին, դադարեցվում է Թուրքիայի կողմից», - ասվում է փաստաթղթում: Թուրքիայի փոխնախագահ Ֆուաթ Օքթայը հայտարարել է, որ երկրում կանանց իրավունքների պաշտպանության համար պայքարը շարունակվելու է: «Մեր անկեղծ պայքարը թուրք կնոջ դիրքը հասարակության մեջ այն մակարդակին հասցնելու համար, որին նա արժանի է, կշարունակվի` պահպանելով մեր ավանդական արժեքները: Կարիք չկա դրսում օգնություն փնտրել: Լուծումը մեր ավանդույթների և սովորույթների տիրույթում է», - գրել է Օկտայը Twitter-ի իր էջում: Հավելենք, որ Թուրքիան դարձավ առաջին երկիրը, որը վավերացրեց Ստամբուլյան կոնվենցիան։ Թուրքիային հաջորդեցին ևս 33 երկրներ: