Աշխարհի ամենամեծ նկարը վաճառվել է ավելի քան 60 միլիոն դոլարով

Բրիտանացի նկարիչ Սաշա Ջաֆրիի հեղինակած աշխարհի ամենամեծ կտավը՝ «Մարդկության ճանապարհորդությունը», Դուբայի աճուրդում վաճառվել է 62 միլիոն դոլարով, հայտնում է Khaleej Times տեղական թերթը:
Նշվում է, որ նկարիչը յոթ ամիս աշխատել է Դուբայի Ատլանտիս հյուրանոցում գտնվող երկու ֆուտբոլային խաղադաշտերի տարածքի չափ կտավի վրա: Սկզբնապես ենթադրվում էր, որ կտավը բաժանվելու է 70 մասի և տարբեր երկրներում վեց աճուրդներում վաճառվելու է մոտ 30 միլիոն դոլարով:
Ջաֆրին խոստացել էր, որ հասույթը կուղարկի ՅՈՒՆԵՍԿՕ-ի, ՅՈՒՆԻՍԵՖ-ի և երեխաների այլ բարեգործական ծրագրերին:
«Հուսով ենք, որ կփրկենք 200 միլիոն երեխաների կյանք և հնարավորություն կտանք նրանց փոխելու աշխարհը։ Մենք ուզում ենք, որ յուրաքանչյուր երեխա հնարավորություն ունենա կրթություն ստանալու համացանցի միջոցով: Մեր նպատակն է համացանցը հասանելի դարձնել նրանց համար, ովքեր ապրում են ամենաաղքատ երկրներում », - ասել է նկարիչը:
Մինչ վաճառքի պահը նկարը մեկ ամիս ցուցադրվում էր հյուրանոցում: Նկարի սեփականատերը կրիպտոարժույթի ֆիրմայի ղեկավար Անդրե Աբդունն է: