«Մանգո»-ն տուգանվել է

ՏՄՊՊՀ դիտարկումներով խախտում է արձանագրվել «Մանգո» խանութների ցանցում: Վերոնշյալ խանութի ցուցափեղկին փակցված է եղել «50 % զեղչ՝ ամբողջ տեսականու համար» գրառումը, սակայն ստուգման և հսկիչ գնման միջոցով պարզվել է, որ 50 % զեղչը վերաբերում է ապրանքատեսականու միայն մի մասին: Ակնհայտ է, որ նման մեթոդով տնտեսվարողը փորձել է մոլորեցնել սպառողին:

Համաձայն օրենքի՝ ապրանքի իրացման ընթացքում թերի, կեղծ կամ ոչ լիարժեք տվյալների բացակայությունը, որը սպառողին հնարավորություն չի տալիս ամբողջական պատկերացում կազմել գովազդվող ապրանքի վերաբերյալ, համարվում է անբարեխիղճ մրցակցության դրսեւորում: Անցյալ տարի ուժի մեջ մտած օրենսդրական փոփոխությունների պայմաններում՝ նախատեսվում է տուգանք նախորդ տարվա հասույթի մինչեւ 1%-ի չափով: Հանձնաժողովն այսօր՝ սեպտեմբերի 14-ին որոշում կայացրեց տուգանել «Մանգո» խանութների ցանցին, սակայն տուգանքի չափի մասին վերջնական որոշում կկայացվի հասույթի չափը ճշտելուց հետո: