5 մլրդ ներդրման դիմաց «Ջերմուկ Գրուպը» հարկային արտոնություն է ստացել
Տնտեսություն
Կառավարությունը բավարարել է «Ջերմուկ Գրուպ» ընկերության ներկայացրած հայտն ու ընկերությանը տվել հարկային արտոնություն՝ գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու համար, գրում է 168.am-ը։
Ընկերությունը 5 միլիարդ դրամի ներդրումային ծրագիր է իրականացրել, 1․3 մլրդ դրամի քարշակների և կիսակցորդների լրացուցիչ խմբաքանակ ներմուծել Հայաստան։
Ըստ էկոնոմիկայի նախարարության ներկայացրած հիմնավորման՝ հարկային արտոնությունն անհրաժեշտ է նաև, որպեսզի ընկերությունը հնարավորություն ունենա առավել արագ կազմակերպել արտահանման գործընթացը:
«Ջերմուկ Գրուպ»-ի տրամադրած տեղեկության համաձայն` ներդրումային ծրագրի շրջանակում ընկերությունում ստեղծվել է 16 նոր աշխատատեղ։
Հիշեցնենք՝ «Ջերմուկ Գրուպ» ընկերության հիմնադիր նախագահն ԱԺ ՀՀԿ խմբակցության նախկին պատգամավոր Աշոտ Արսենյանն է։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
