Զանգեզուրի միջանցքը կմիավորի թյուրքական աշխարհը. Ալիև
Արտաքին Քաղաքական
Ադրբեջանի նախագահ Իլհամ Ալիևը կարծում է, որ Ղարաբաղում պատերազմի ավարտից հետո ստեղծված նոր հնարավորությունների շարքում ամենակարևորը տրանսպորտային հաղորդակցությունն է, գրում է Interfax-ը:
«Պատերազմն ավարտվել է և դարձել պատմություն: Նոր հնարավորություններ են ի հայտ եկել: Դրանց թվում, կարծում եմ, ամենակարևորը տրանսպորտային հնարավորություններն են»,- չորեքշաբթի օրը ասել է Ալիևը թյուրքալեզու պետությունների համագործակցության խորհրդի ոչ պաշտոնական գագաթնաժողովում ունեցած ելույթի ժամանակ: Նա ասել է, որ ներկայումս Զանգեզուրի միջանցքի հետ կապված ակտիվ աշխատանքներ են տարվում:
«Այժմ Ադրբեջանի հնագույն հողը` Զանգեզուրը, խաղալու է թյուրքական աշխարհը միավորող դեր, քանի որ Զանգեզուրով անցնող տրանսպորտային հաղորդակցության, ենթակառուցվածքային նախագծերը կմիավորեն ողջ թյուրքական աշխարհը, ինչպես նաև լրացուցիչ հնարավորություններ կստեղծեն այլ երկրների, այդ թվում` Հայաստանի համար», - ասել է Ալիևը:
Ադրբեջանի նախագահը նշել է, որ ներկայումս Հայաստանը երկաթուղային կապ չունի իր դաշնակից Ռուսաստանի հետ:
«Այս կապը կարող է ստեղծվել Ադրբեջանի տարածքով: Հայաստանը երկաթուղային կապ չունի նաեւ հարևան Իրանի հետ: Նախիջևանի միջոցով` այս կապը նույնպես կարող է ապահովվել», - նշել է Ալիևը:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
