Կալանք համասեռամոլների մասին պիես բեմադրելու համար

Բրիտանացի թատերական պրոդյուսեր Դեյվիդ Սեսիլին Ուգանդայում սպառնում է կալանք համասեռամոլների կյանքի մասին այդ երկրում ներկայացում բեմադրելու համար։

Ուգանդայի ոստիկանությունը մեղադրել է բրիտանացուն տեղի իշխանություններին չենթարկվելու և «Գետը և լեռը» պիեսը բեմադրելուց առաջ համապատասխան մարմիններին տեղյակ չպահելու համար։

Դատարանը հրաժարվել է ազատ արձակել Սեսիլին գրավի դիմաց մինչև դատավարության ավարտը։ Եթե բրիտանացուն մեղավոր ճանաչեն, ապա նրան կսպառնա երկու տարվա ազատազրկում։

Դեպքից հետո Ուգանդայի խորհրդարանը քննարկում է մի նոր օրենք, որն ուղղված կլինի համասեռամոլության բացահայտ դրսևորումների դեմ։
Սեսիլի պիեսի գլխավոր հերոսը բիզնեսմեն-համասեռամոլն է, որին սպանում են նրա աշխատակիցները։

Օգոստոս ամսին ներկայացումը բեմադրվել է Կամպալեում։ Համասեռամոլնեը Ուգանդայում հետապնդվում են և շատ հաճախ ենթարկվում են ֆիզիկական խոշտանգումների։