Եվրոպական ժառանգության օրեր՝ Հայաստանում
Գիտություն և Մշակույթ
Ս.թ. սեպտեմբերի 29-ին և 30-ին Հայաստանի Հանրապետությունը մշակութային ժառանգության ճանաչմանն ու հանրահռչակմանը միտված մի շարք միջոցառումներով կմիանա «Եվրոպական ժառանգության օրեր» ձեռնարկին: Կարևորելով պատմամշակութային զբոսաշրջության զարգացման գործում հարավային միջանցքի դերակատարությունը՝ վերջին տարիներին մեծ ժողովրդականություն վայելող «Եվրոպական ժառանգության օրեր» միջոցառումը կկազմակերպվի «Ճանապարհ» խորագրի ներքո:
Երկու օր շարունակ Հայաստանի բոլոր մարզերում բազմաթիվ պատմամշակութային հուշարձաններ, 50-ից ավելի թանգարաններ խորագրին համահունչ 100-ից ավելի միջոցառումներով և հատուկ ցուցադրություններով անվճար կհյուրընկալեն հասարակության լայն խավերին: Ժառանգության պահպանության ոլորտի բազմաթիվ մասնագետներ վարպետաց դասերի, դասախոսությունների, նորովի մեկնաբանությունների միջոցով հանրությանը կներկայացնեն մշակութային ժառանգության պահպանությանն ուղղված իրենց գործունեությունը, վերջին տարիների ձեռքբերումները:
«Եվրոպական ժառանգության օրեր» միջոցառումը պաշտոնապես հաստատվել է 1991 թ. Եվրախորհրդի կողմից: 1999 թվականից սկսած միջոցառումների շարքը իրականացվում է Եվրախորհուրդ - Եվրամիություն համագործակցությամբ՝ «Եվրոպա. միասնական ժառանգություն» կարգախոսով:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
