«Առավոտ». Ես ապշած եմ այս խորհրդարանի անորակ վիճակից

«Մենք առանց այդ էլ աշխատող տնտեսություն չունենք, և ներքին հարկերը բավարար չեն բյուջեն համալրելու համար: Հիմա վերացնում ենք մաքսատուրքերը և ի՞նչ ենք անում՝ բնակչության վրա դրվող հարկերն ենք բարձրացնում: Այս անհեթեթության վերջը պիտի դրվի», - «Առավոտին» «ԱՊՀ-ում ազատ առևտրի գոտու մասին» խորհրդարանի վավերացրած պայմանագրին վերաբերող իր վրդովմունքը փոխանցեց «Ժողովրդի իշխանություն» կուսակցության համակարգող Զոյա Թադևոսյանը:

«Ամոթ չէ չիմանալը, ամոթ է չիմացած բանի համար «կողմ» քվեարկելը: Ես ապշած եմ այս խորհրդարանի անորակ վիճակից»,- դիմելով պատգամավորներին՝ ասաց Թադևոսյանը: