ԵՄ դեղերի գործակալությունը AstraZeneca պատվաստանյութի նկարագրության մեջ ավելացրել է թրոմբոզի մասին տվյալները

Եվրոպական դեղերի գործակալությունը AstraZeneca Vaxzevria պատվաստանյութի նկարագրության մեջ ավելացրել է թրոմբոզային ռիսկի մասին տվյալները:
«AstraZeneca Vaxzevria պատվաստանյութով պատվաստումից հետո որոշ դեպքերում նկատվել է Թրոմբոզ և թրոմբոզիտոպենիա», - նշված է պատվաստանյութի թարմացված նկարագրության մեջ: Հաղորդագրության մեջ շեշտվում է, որ բուժաշխատողները պետք է պատվաստումներից առաջ տեղեկացնեն հիվանդներին նման կողմնակի ազդեցությունների մասին: Նրանց նաև հանձնարարվում է պատվաստվածներին հորդորել՝ ինչ անել, եթե ի հայտ գան ախտանիշներ, ինչպիսիք են արագացված շնչառությունը, կրծքավանդակում ցավը, ոտքերի այտուցը, որովայնի մշտական ​​ցավը, ուժեղ և կայուն գլխացավերը, տեսողության պղտորումը, պատվաստանյութի տարածքից դուրս գտնվող մաշկի վրա կապտուկները։

Նախօրեին EMA-ի դեղամիջոցների անվտանգության կոմիտեն, լրացուցիչ տեղեկություններ ուսումնասիրելուց հետո, հայտնել էր, որ թեև ակնհայտ է պատվաստանյութի ու թրոմբոզի միջև առկա կապը, բայց դեղամիջոցի օգուտները գերազանցում են  նրա մեջ պարունակվող ռիսկերը։