Ինչի՞ մասին է պատմում հակաիսլամական ֆիլմը

Հազարավոր մահմեդականներ մասնակցել են ցույցերի տարբեր երկրներում՝ ընդդեմ հակաիսլամական ֆիլմի, որը նկարահանվել է ԱՄՆ-ում։ Ջեյմս Լոնգմանը պարզաբանում է, որ հենց այդ ֆիլմում է, որ կարելի է տեսնել վիրավորանք՝ հասցված հազարավոր մարդկանց ամբողջ աշխարհում։

Ի՞նչ է ցուցադրվում ֆիլմում։

Տեսանյութը, որը հայտնվել է համացանցում, հանդիսանում է միայն մի հատվածը այն ֆիլմի, որն իսլամը բնութագրում և ներկայացնում է որպես հավատք ատելության և բռնության մասին, իսկ Մուհամմեդ մարգարեին՝ որպես հիմար և ինքնահավան մարդ։ Խոսքը «Մուսուլմանների անմեղությունը» ֆիլմի մասին է։

Տեսանյութը սկսվում է դրվագով, որում ղպտիների քրիստոնյա ընտանիքը ենթարկվում է հարձակման ներկայիս Եգիպտոսում մուսուլմանների խմբի կողմից։ Հայրն աղջիկներին ասում է, որ մուսուլմանները ցանկանում են սպանել բոլոր քրիստոնյաներին, իսկ իսլամական կառավարությունը թաքցնում է նանց հանցագործությունները։ Այնուհետև ֆիլմում հայտնվում է Մուհամմեդ մարգարեն։ Ներկայացվում է նրա կյանքը անապատում իր ընտանիքի և կողմնակիցների հետ միասին։ Պատմվում է, թե ինչպես է նրա կինը՝ Խադիջան, գրում «Ղուրանը»՝ հենվելով Հին և Նոր կտակարնների վրա։

Ֆիլմում  նաև ներկայացվում է Մուհամմեդ մարգարեի սեռական կյանքը, ինչպես նաև՝ նրա կանանց սեռական կյանքը։

Ֆիլմը Մուհամմեդի կողմնակիցներին ներկայացնում է որպես մարդասպաններ, որոնք տենչում են հարստություն և սպանում են երեխաների ու կանանց։ Դրվագներից մեկում մարգարեն հայտարարում է, որ ինքը համասեռամոլ է։ 

Ինչո՞ւ է ֆիլմը վիրավորական մահմեդականների համար։

Ֆիլմում ասվում է, որ Ղուրանը ստեղծվել է Հին և Նոր կտակարանների հիման վրա։
Իսլամն արգելում է Մուհամմեդ մարգարեին ցանկացած կերպ պատկերելը, էլ չենք խոսում նրան ծաղրելու մասին։ Նրա կինը և կողմնակիցները նույնպես համարվում են սրբեր։ Նրանց նկատմամբ ծաղրը նույնպես համարվում է մեղք։

Ղուրանի պատվիրաններից մեկն ասում է, որ Ղուրանը Ալլահի խոսքն է, որը բացվել է Մուհամմեդին, որպեսզի նա փոխանցի ողջ աշխարհին։
Իսկ ֆիլմի այն հատվածը, որում Խադիջան ստեղծում է Ղուրանը՝ օգտվելով Աստվածաշնչից, հակասում է այդ պատվիրանին։

Ի՞նչ է հայտնի ֆիլմի ստեղծման մասին։

Ֆիլմը, ինչպես ենթադրվում է, տևում է մեկ ժամ, չնայած որ բողոքողների մեծ մասը դիտել է միայն ֆիլմի 14 րոպեանոց դեմո տարբերակը, որն այս պահին լայն տարածում է գտել ինտերնետում։ Ֆիլմը նկարահանվել է ոչ շատ մեծ բյուջեով, ֆիլմի դերակատարները ոչ պրոֆեսիոնալներ են եղել։
Նկարահանումները տևել են 5 օր Կալիֆորնիայում գտնվող կինոստուդիայում, ֆիլմում աշխատել է մոտավորապես 50 դերասան։
Ամենավիրավորական կադրերը բացակայել են ֆիլմի նախնական տարբերակում. դրանք ավելացվել են հետագայում։

Ո՞վ է Նակուլա Բասսլի Նակուլան։

Նախնական տարբերակը հայտնվել է YouTube–ում sambacile-ն օգտատերի կողմից, որը իբր հրեա է և նկարահանումների համար 5 միլիոն դոլար է հավաքել Ամերիկայում բնակվող հրեաներից։ Սակայն նաև նշվում է, որ այդպիսի մարդ իրականում գոյություն չունի։ ԱՄՆ-ի իշխանությունները հայտնում են, որ ֆիլմի հեղինակը եգիպտացի ղպտի է՝ Նակուլա Բասսլի Նակուլա անունով, որն ապրում է Կալիֆորնիայում։ 2010 թվականին այդ մարդուն պատժել են 790 հազար դոլարով խաբեբայության համար։ Բասսլին հերքում է իրեն առաջադրված մեղադրանքները։

Ի՞նչ են ասում ֆիլմի մասին դերասանները, ովքեր նկարահանվել են ֆիլմում։

Նրանց խոսքերով՝ իրենք խաբվել են, չիմանալով, թե իրականում ինչ գաղափար է հետապնդվում ֆիլմում։ Նրանց ասվել է, որ ֆիլմը ոչ մի կապ չունի իսլամի և Մուհամմեդ մարգարեի հետ։ Դերասաններն ասում են, որ բոլոր վիրավորական դրվագները ավելացվել են հետագայում։
Սինդի Լիի Գարսիան, ով ֆիլմում կերտել է երկրորդական դերերից մեկը, պատմում է, որ իրեն տրվել է ֆիլմի սցենար՝ «Անապատի զինվորները» վերնագրով։ Նա պնդում է, որ տեսել է Նակուլու Բասսլիիին նկարահանումների ընթացքում։

Ինչո՞վ  կարող են պայմանավորված լինել ցույցերը։

Այն բանից հետո, երբ Մուհամմեդին պատկերեցին Դանիայում 2006 թվականին, սկսվեց մահմեդականների բողոքը։ Այդ պահից սկսած՝ մի շարք քաղաքական գործիչներ և հոգևոր առաջնորդներ ծառայեցնում են այդ երևույթը իրենց օգտին։