Իրանում առևանգված FBI-ի նախկին գործակալը դիմել է ԱՄՆ–ի իշխանություններին (Տեսանյութ)

Ինչպես հաղորդում են ամերիկյան լրատվամիջոցները՝ 2007 թվականին Իրանում ձերբակալված՝ FBI նախկին գործակալ Ռոբերտ Լեվինսենի հարազատները նրա անձնական կայքում տեղադրել են տեսանյութ, որտեղ նախկին գործակալը խնդրանքով դիմում է ԱՄՆ իշխանություններին։ 

«Ես այստեղ արդեն երեք ու կես տարի է ձերբակալված եմ, և ինձ այստեղ շատ լավ են վերաբերվում։ Սակայն, ծանր առողջական խնդիրների պատճառով, վիճակս գնալով վատանում է։ Ես դիմում եմ ԱՄՆ–ի իշխանություններին՝ ակնկալելով օգնություն», - ասել է Լեվինսենը։

«33 տարի ծառայել եմ Միացյալ Նահանգների համար. միթե՞ արժանի չեմ օգնության», - ավելացրել է Լեվինսենը։ 

Լեվինսենի որդին դիմել է առևանգողներին, ներկայացնել իրենց պահանջները, սակայն նրա ընտանիքը դեռ ոչ մի արձագան չի ստացել։ 

Ինչպես հաղորդում է "New York Times"–ը՝ այդ տեսանյութը հրապարակվել է այս տարվա նոյեմբերի 10–ին, ինչը վկայում է, որ նախկին գործակալը ողջ է։

Ըստ նախկին գործակալի ընտանիքի անդմաների՝ այս տեսանյութը 2010 թվականին հայտնվել է "Associated Press" լրատվական գործակալությունում, սակայն, ԱՄՆ իշխանությունների խնդրանքով, այն չի հրապարակվել՝ Լեվինսենին դիվանագիտական ճանապարհով ազատելու համար։

Վերջին անգամ Ռոբերտ Լեվինսենին տեսել են 2007 թվականի մարտին, Իրանում՝ Պարսից ծոցի Կիշի կղզու հանգստավայրում։ Նշվում է, որ այդ կղզին վերահսկվում է մաքսանենգների կողմից։ Լեվինսենը, FBI–ի գործակալի աշխատանքը թողնելուց հետո, սեփական նախաձեռնությամբ՝ հետախուզական նպատակներով այցելել է այդ տարածքները։

ԱՄՆ–ի իշխանությունները հայտարարել են, որ տեղյակ չեն, թե ովքե՞ր են առևանգել Լեվինսենին, և այժմ որտեղ է նա գտնվում։ Ըստ առաջին վարկածի՝ նրան առևանգել են Իրանի գաղտնի ծառայությունները, սակայն պաշտոնական Թեհրանը հերքում է այդ մեղադրանքները։ Իսկ մեկ այլ վարկածի համաձայն՝ նախկին գործակալին կարող էին առևանգել հանցավոր խմբավորումները։ Ըստ "Associated Press" րատվական գործակալության՝ Լեվինսենը գտնվում է Իրանում կամ Պակիստանում։

Ստորև ներկայացնում ենք տեսանյութ.

Visit msnbc.com for breaking news, world news, and news about the economy