Կանադան անհանգստացած է Սաֆարովի գործով

Կանադան անհանգստացած է Ռամիլ Սաֆարովի գործով վերջին իրադարձությունների, մասնավորապես՝ նրան ներում շնորհելու և այդ որոշման հետևանքով առաջացած անցանկալի իրադարձությունների կապակցությամբ։ Այս մասին ասվում է Թուրքիայում, Վրաստանում, Ադրբեջանում և Թուրքմենստանում կանադական դեսպանատների տարածած հայտարարություններում։

«Բոլոր կողմերին կոչ ենք անում՝ անհրաժեշտ միջոցներ ձեռնարկել վստահության ավելացման և Հայաստանի ու Ադրբեջանի միջև խաղաղ գործընթացում կառուցողական ներդրում ունենալու համար։ Կանադան աջակցում է ներկայիս խաղաղ գործընթացներին և բոլոր նախաձեռնություններին, որոնք ուղղված են տարածաշրջանային համագործակցության զարգացմանն ու հաշտեցմանը»,-նշվում է փաստաթղթում։