Lamborghini-ն հետ է կանչում 1,500 ավտոմեքենա

Սպորտային ավտոմեքենաներ արտադրող Lamborghini ընկերությունը հետ է կանչում 1,500 ավտոմեքենա, որպեսզի ուղղի առաջացած սխալները:

Տվյալ ծրագիրն ուղղված է 2004-2006թթ. արտադրած Galardo մակնիշի ավտոմեքենաներին:

Մասնագետները խնդիրներ են հայտնաբերել ղեկի կարգավորման համակարգում, որը, ըստ մասնագետների, ժամանակի ընթացքում լուրջ խնդիրների պատճառ կարող է դառնալ:

Սակայն ընկերության մասնագետները, նշել են, որ մինչև օրս տվյալ ժամանակաշրջանի արտադրության ավտոմեքենաների սեփականատերերից դեռ ոչ մեկ չի բողոքել:

Ընկերությունից հայտնել են, որ բոլոր տեսակի փոփոխություններն իրականացվելու են անվճար:

Lamborghini ընկերությունը ստեղծվել է 1960-ական թվականներին Ֆերուչո Լամբորջինիի կողմից: Նա ցանկանում էր ստեղծել իր սեփական սպորտային մեքենան, քանի որ Ferrari-ն իրեն չէր գոհացնում: