Շնորհակալ եմ բոլորին, ովքեր ամբողջ աշխարհի հայերի համար այս կարևոր օրը մեզ հետ են. Արա Աբրահամյան

Ցավոք սրտի գարունը հայ ժողովրդի համար նույնացվում է Օսմանյան կայսրությունում Հայոց ցեղասպանության ողբերգության հետ: Դա մեր ընդհանուր ցավն է և կմնա մեր հիշողության մեջ: Հայերի յուրաքանչյուր նոր սերունդ, անկախ ծննդյան և ապրելու վայրից, գիտակցում է ողբերգության և անարդարության ողջ ծանրությունը: Այսօր Երևանում, Մոսկվայում և աշխարհի հարյուրավոր քաղաքներում հշատակի արարողություններ են: Մեզ՝ հայերիս համար հիշողությունը բարոյական պարտականություն է: Մենք հիշում ու զգում ենք մեկ ու կես միլիոն մեր սպանված նախնիների, հարյուր հազարավոր զրկվածների ցավը:

Ցեղասպանության մասին մեր հուշերում մեծ տեղ է գրավում նաև երախտագիտությունը: Ավելի քան 100 տարի անց մենք երախտագիտությամբ ենք հիշում նրանց, ովքեր ցեղասպանության օրերին փրկում էին հայերի կյանքը, օթևան էին տալիս, մարդասիրական օգնություն ցուցաբերում:

Մենք շնորհակալություն ենք ասում բոլոր պետություններին և կազմակերպություններին, որոնք ճանաչել են Հայոց ցեղասպանությունը: Երախտագիտությամբ ենք հիշում ոչ միայն Պետական Դումայի ցեղասպանությունը դատապարտող հայտարարությունները, այլև այն, որ 2015 թվականի ապրիլի 24-ին ՌԴ նախագահն անձամբ մասնակցեց Ծիծեռնակաբերդում հիշատակի միջոցառմանը: «Հայոց ցեղասպանությունը մադկության պատմության մեջ ամենասարսափելի և դրամատիկ իրադարձություններից մեկն է: 1915 թվականի իրադարձությունները ցնցեցին ամբողջ աշխարհը, իսկ Ռուսաստանում այն ընկալվեց որպես սեփական ցավ»,- ընդգծել է ՌԴ նախագահ Վ. Պուտինը՝ Ռուսաստանի հայերի միության կազմակերպած «Աշխարհն առանց ցեղասպանության» հուշ երեկոյի մասնակիցներին ուղղված իր ուղերձում:

Շնորհակալություն եմ հայտնում ՌԴ նախագահին կից Ազգամիջյան հարաբերությունների խորհրդին և Մոսկվայի կառավարությանը, որոնց աջակցությամբ Ռուսաստանի հայերի միությունն ամեն տարի միջացառումներ է անցկացնում «Ցեղասպանություն. Հիշատակ և նզխազգուշացում» նախագծի շրջանակներում: Այս օրերին Մոսկվայի փողոցներում մենք վահանակներ ենք տեղադրել, որոնք հիշեցնում են, որ ապրիլի 24-ը Օսմանյան կայսրությունում Հայոց ցեղասպանության զոհերի հիշատակի օրն է:

Այսօր մենք ծայրահեղականության և անհանդուրժաղականության ականատեսն ենք ոչ միայն Մերձավոր Արևելքում, այլև ամբողջ աշխարհում:

Ցավոք սրտի ժամանակակից Թուրքիայի իշխանությունները ոչ միայն համառորեն կառչած են մերժողականության իրենց քաղաքականությանը, այլև, Ադրբեջանի հետ համատեղ շարունակում են կեղծել պատմությունը և հայ ժողովրդի նկատմամբ ցեղասպան քաղաքականությունը:

2020 թվականի ղարաբաղյան ողբերգական պատերազմը և դրա տխուր հետևանքները դրա հերթական ցուցադրությունն են: Ինչպիսի «խաղաղասիրական» կարգախոսներ էլ բերեն Անկարան և Բաքուն, առանց կատարված չարագործություններում սեփական մեղքն ընդունելու և ապաշխարհանքի պատմության ողբերգական էջերը չեն շրջվի, այսինքն տարածաշրջանում լարվածության վերացման մասին խոսք լինել չի կարող:

Ավելի քան 100 տարի առաջ մեր ժողովուրդն ապրեց իր պատմության ամենադաժան ողբերգությունը: Բայց մենք ոչ միայն վերապրեցինք, այլև ստեղծեցինք մեր անկախ պետությունը՝ Հայաստանի Հնրապետությունը, ազատ Արցախը, ակտիվ Սփյուռքը: Տարբեր երկրներում հանգրվանած հայերը հաջողությամբ ինտեգրվեցին՝ պահպանելով ինքնությունն ու Հայաստանի հետ կապը: Մեր անկախությունը և վերածնունդը 100 տարի առաջ հայ ժողովրդին բնաջնջելու գլխավոր պատասխանն են: Ես հավատում եմ, որ հիմա էլ կարող ենք վերածնվել և մեր հայրենիքի արժանապատիվ ապագան կերտել: Դա կլինի մեր պատասխանն այսօրվա ագրեսիային և հայ ժաղավրդին, հայոց պետականությունը վերցնելու փորձերին:

Մենք խոնարհվում և հարգում ենք Հայոց ցեղասպանության զոհերի հիշատակը և ոչ ոքի թույլ չենք տա կրկնել այդ հրեշագործությունը:

Շնորհակալ եմ բոլորին ովքեր ամբողջ աշխարհի հայերի համար այս կարևոր օրը մեզ հետ են: