Մենք բոլորս հուսով ենք, որ ԱՄՆ նախագահն ի վերջո որոշում կկայացնի՝ ճանաչելու Հայոց ցեղասպանությունը․ Լարշեն
Հայաստան
Ֆրանսիայի Հանրապետության Սենատի նախագահ Ժերար Լարշեն հուսով է, որ ԱՄՆ նախագահ Ջո Բայդենը որոշում կկայացնի՝ ճանաչելու Հայոց ցեղասպանությունը: Լարշեն այս մասին ասաց ՀՀ ազգային ժողովում՝ խորհրդարանի նախագահ Արարատ Միրզոյանի հետ համատեղ հայտարարությանը:
«20 տարի է անցել այն օրվանից, երբ նախագահ Ժակ Շիրակը հրապարակեց ընդամենը 8 բառից, 1 հոդվածից բաղկացած օրենք, որով Ֆրանսիան պաշտոնապես ճանաչում է Հայոց ցեղասպանությունը»,-ասաց նա:
Սենատի նախագահի կարծիքով՝ կենդանի հիշողությունը լավագույն պատվարն է պատմության ողբերգական էջերի կրկնության համար:
«Մենք բոլորս հուսով ենք, որ ԱՄՆ նախագահն ի վերջո որոշում կկայացնի՝ ճանաչելու Հայոց ցեղասպանությունը»,-ասաց Լարշեն:
Նա հիշեցրեց, որ ԱՄՆ-ում Սենատը, Ներկայացուցիչները պալատն ընդունել են Հայոց ցեղասպանությունը ճանաչող բանաձևեր: «Մի բան, որը ցույց է տալիս, թե ինչքան կարևոր դեր են խաղում խորհրդարանները՝ ոչ միայն հիշողության պահպանման, այլ նաև ամենակարևոր արժեքների պահպանության առումով»,-ասաց Ֆրանսիայի Սենատի նախագահը:
ՈՒՂԻՂ ԵԹԵՐ
Ամենադիտված 
Կյանքից հեռացել է Տիգրան Ղազարյանը
