Ո՞ւմ կյանքն է շեշտակի բարելավել «Թավշյա հեղափոխությունը». մաս II

2018-ի Թավշյա հեղափոխությունից հետո սովորական մարդկանց կյանքում ֆինանսական առումով, մեծ հաշվով, շեշտակի փոփոխություններ տեղի չեն ունեցել: Բայց կան «ոչ սովորական» անձինք, որոնց ֆինանսական հոսքերը հեղափոխությունից հետո շեշտակի փոխվել են, նրանք սկսել են մեծ գումարներ աշխատել, եւ եթե ամեն ինչ այսպես մնաց` այդ անձանց քսակը միայն ավելի ու ավելի է լցվելու: Իսկ ովքե՞ր են այդ «հատուկ» մարդիկ:

Շարունակում ենք ընթերցողի դատին ներկայացնել, թե ում կյանքն է շեշտակի բարելավվել 2018-ի Թավշյա հեղափոխությունից հետո: Եվ, այսպես, հաջորդ պաշտոնյան, ում կյանքում կտրուկ բարելավում է գրանցվել, դա Լենա Նազարյանն է:

2017-ին Նազարյանը հայտարարագրել էր ընդամենը 1 միլիոն դրամի եկամուտ:

 2019-ը թվականի հայտարարագիրը արդեն իսկ արտացոլում էր Լենա Նազարյանի կյանքում առկա փոփոխությունները: Նա հայտարարագրել էր 6,537,640.00 ՀՀ դրամի համաչափ եկամուտ:

2020-ի հայտարարագիրը վկայում է այն մասին, որ հեղափոխությունը Լենա Նազարյանի վրա լավ է անդրադարձել: Նա հայտարարագրել է երկու բնակարան, մեկն` Առինջում, մյուսը` Նորք-Մարաշ վարչական շրջանում: Բացի այդ վերջինս հայտարարագրել է նաև 12,437,850.00 ՀՀ դրամի եկամուտ, բանկային հաշվի մնացորդն էլ կազմել է  1,000,000.00 ՀՀ դրամ: