Իլհամ Ալիևի գալիք արկածները Ֆրանսիայում

Արդեն մի քանի օր է, ինչ միջազգային հանրությունը խոսում և քննադատում է Ադրբեջանի՝ Իլհամ Ալիևի գլխավորությամբ վարած քաղաքականությունը։

Այսօր՝ սեպտեմբերի 17-ին, Ադրբեջանի նախագահ Իլհամ Ալիևը գործնական այցով ժամանել է Ֆրանսիա։
Ժամանումից օրեր առաջ ֆրանսահայությունը խոստացել էր ըստ արժանվույն դիմավորել Ալիևին։ ИА REGNUM-ի տեղեկությունների համաձայն՝ Ալիևը կժամանի Փարիզ ֆրանսահայության կողմից անցակցվող բողոքի ակցիաների ուղեկցությամբ։ Դրա մասին լրագրողներին հայտնել է Պասկալ Մոնյեն՝ Ադրբեջանում Ֆրանսիայի դեսպանը։ Այցի ընթացքում Ալիևը կհանդիպի Ֆրանսուա Օլանդի և այլ պաշտոնյաների հետ։

Այցի նպատակները մի քանիսն են. առաջին հերթին ասվում է, որ այցի գլխավոր նպատակն ընդհանուր առմամբ այս երկրների միջև փոխհարաբերությունների բարելավումն է, իսկ այցի երկրորդ, բայց իրականում ամենակարևոր նպատակը ղարաբաղյան հարցի շուրջ մտքերի փոխանակումն է։ Տարածաշրջանում վիճակն այս պահին լարված է, և Ալիևն ըստ տրամաբանության փորձելու է լիցքաթափել տարածաշրջանում իր նկատմամբ ստեղծված լարված իրավիճակը։ Սա Ալիևի առաջին գործնական այցն է Ֆրանսիա։ Տեղի հայերը Ալիևի՝ Ֆրանսիա ժամանելու լուրը ստանալուց անմիջապես հետո ծրագրել են հակաադրբեջանական լայնամասշտաբ ակցիաներ իրականացնել։ Բողոքի ակցիան պետք է անցկացվի Փարիզում՝ Ադրբեջանի դեսպանատան մոտ. ցույցը պայմանավորված է Ռամիլ Սաֆարովին ներում շնորհելու և Ադրբեջան արտահանձնելու իրողություններով։

Ադրբեջանական կողմն արդեն որոշում է կայացրել ուժեղացնելու Փարիզում ադրբեջանական դեսպանատան անվտանգության աշխատակիցների թիվը՝ Ալիևի այցելության ընթացքում դեսպանատան անվտանգությունն ապահովելու համար։